Weather Fiji, Suva   Max 30°C, Min 23°C

Fiji Sun

NATION

Veivuke ni matanitu ki na bisinisi ni iTaukei

Veivuke ni matanitu ki  na bisinisi ni iTaukei
Paraiminisita Voreqe Bainimarama
August 22
16:07 2018

E dua na veivuke vakailavo e  sa tiko e nai Tuvatuva ni Lavo ni Matanitu e na 2018– 2019, na kena vukei na iTaukei e na nodra vakaduri bisinisi e na  nodra tiki ni qele.

E na nona veisiko tiko na turaga Paraiminisita, o  Voreqe Bainimarama, kina veikorokoro vakaitaukei e vakauqeti ira mera vakayagataka na veivuke oqo.

E na yabaki sa oti e dua na mataqali mai Nadi e a kerea me tauyavutaka kina na nodratou bisinisi.

Na veivuke oqo, e tukuna na turaga Paraiminisita, ni ratou a vakayagata  talega mai Natogadravu, Tailevu.

“Na uma ilavo oqo e tiko e na Tabacakacaka ni iTaukei,” e tukuna na turaga Paraiminisita.

“E dua na ka era dau leqataka na via mai tauyavutaka e dua na bisinisi e na noda vanua, na qele, ia vei ira na iTaukei ni qele na uma ilavo oqo e vakatabakidua sara ga kivei ira mera kerea me tauyavutaki kina na mataqali bisinisi cava ga era via vakaitavitaki ira kina.”

E vakaraitaka kina Siga Vou o Joji Waqa na turaganikoro mai koro o Natavea, Naitasiri, ni sa totoka vakaoti  na veivuke esa vakayacora tiko na matanitu kivei ira na iTaukei, ia ko ira ga era vukei mera qarauna na nodra bisinisi.

Na matanitu e tukuna ni vukei ira na dau teitei mai Natavea e na kena ta na gaunisala kina nodra iteitei.

“Sa oti na colati mai ni voli kina koro me qai mai vodo e na lori, ia e na gauna oqo e sa kele na lori e na yasa ga ni teitei me vodo nai voli kina makete e Nausori kei Suva,” e tukuna o Waqa.

Ko ira na dauteitei e Natavea era volitaki tavioka, dalo, jaina kei so tale na ivoli ka wili kina na kakana draudrau.

Ni tarogi se na dua na nodra bisinisi era na tauyavutaka, e tukuna ni rauta ga na nodra teitei.

Feedback:  maikab@fijisun.com.fj

Share

Related Articles

you said it
"I support it 200 percent, I am with FRU, the country and the people of Fiji. We want to bid to get one of the HSBC stops in Fiji."
Waisale Serevi
Sevens Legend

Latest Photo Gallery

Fijisun Online @Instagram