Weather Fiji, Suva   Max 30°C, Min 23°C

Fiji Sun

NATION

SIGA VOU: E NA RAWA NA QAQA: Voka

SIGA VOU: E NA RAWA NA QAQA: Voka
August 29
15:54 2018

E vakaraitaka na kavetani ni timi na Fiji Airways Fijian Drua o Mosese Voka, ni na rawa na qaqa e na qito vata kei na Melbourne Rising e na rara na Ratu Cakobau Park mai Nausori e na Vakarauwai oqo.

Na vuna e tukuna kina oqo, e tukuna ni ratou sa vakarautaki vinaka sara ga na timi, mai vua na dau na veivakavulici o Senirusi Seruvakula.

E marautaka talega o Voka na kena sa mai veisautaka na  vakavakarau ni timi o Seruvakula.

Na veisau oqo e tukuna o Voka, e na vakavulici ira na dauqito mera dinata ka vakamuria vinaka na porokaramu e soli vei ira.

“Ke dua e na sega ni dinata, e na kune e na gauna ni qito,” e tukuna o Voka.

E na qito kei iratou na Melbourne Rising e tukuna o Voka, ni na dua na qito kaukauwa. Na mataqali qito eratou na vakaraitaka, e tukuna o Voka e na rawa ni na ratou na sogota na qito ia kivei iratou na Drua, eratou na vakacicivi iratou na vulagi.

E dua e dodonu me na qarauni e na qito e na Vakarauwai oqo vei iratou na Melbourne Rising o Isi Naisarani, e dua talega na gone iTaukei ka sa tu ga mai kea.

O Naisarani e sa lewena tiko na timi na Brumbies ka sa la’ki vakaukauwa yago kei iratou na lewe ni timi ni Wallabies e na vula sa oti.

Na nona la’ki vakaukauwa yago oqo, e sa vakarautaki tiko kina me na lewena na Wallabies e na yabaki ka tu mai.

Share

Related Articles

you said it
"I support it 200 percent, I am with FRU, the country and the people of Fiji. We want to bid to get one of the HSBC stops in Fiji."
Waisale Serevi
Sevens Legend

Latest Photo Gallery

Fijisun Online @Instagram