Siga Vou | Sigararama

Toso Malua Na Volitaki ibe E Labasa

E vakaraitaka mai kina Siga Rarama o Sala Bola e dua e dau volitaki ibe kuta mai Labasa ni dau volia mai na ibe kuta e volitaka ka sa bau sau levu toka.
15 Dec 2021 10:30
Toso Malua Na Volitaki ibe E Labasa
Ko Selai Bola kei na ibe kuta e volitaka tiko ena Labasa Handicraft Centre. Vei Taba: Shratika Naidu

Na bisinisi ni volitaki ibe kuta e Labasa e toso sara tu vakamalua.

E vakaraitaka mai kina Siga Rarama o Sala Bola e dua e dau volitaki ibe kuta mai Labasa ni dau volia mai na ibe kuta e volitaka ka sa bau sau levu toka.

Ni sa sau levu, e tukuna ena mai volitaka me na rawa tubu talega.

 

E tukuna ni dua na marama ni Idia o Ba Ji e vakawati ki Nasaqa ka sa bau dua e matai ena tali ibe kuta ka dau volivoli talega vua.

Ni dua na ibe na delana e tukuna e kena isau e rauta ni $130.

Ena 2020 e tukuna e volia e 20 na delana ka kena isau taucoko e $1,800.

 

E levu era sa voli.

Ko ira na marama ni koro o Navakasobu ena tikina o Sasa ena yasana o Macuata era kena dau ena tali ibe kuta.

Mai na ilavo e rawa mai na volitaki ibe kuta, eratou bula kina vakavuvale ka sa volia talega kina e dua na tiki ni qele e Dreketi ka ratou sa teitei tu kina.

 

Eratou tei draunikau, dalo, yaqona, tavioka kei na jija kara sa volitaki talega.

Na nodratou iteite e tukuna ni sa veivuke sara vakalevu ena nona bisinisi ena makete.

E dua ga na luvena yalewa ka sa vakawati ka tiko vata kei iratou.

 

Koi rau na veiwatini e tukuna erau sa via vakabisinisi talega Vei Bola era sa tu na nona dau veivoli ka levu era dau biuta ga yani na nodra ota.

Ena gauna sara mada qo e tukuna ni ra sa bera ko ira na talitali.

Na veivoli e tukuna ni na tosocake ni sa dola tale na veilakoyaki.

Ko ira na kai Toga Matanisiga era dau voli kuta vakalevu.

 

Taro Lesu Mai: maikab@fijisun.com.fj



Fijisun Ad Space


Get updates from the Fiji Sun, handpicked and delivered to your inbox.


By entering your email address you're giving us permission to send you news and offers. You can opt-out at any time.


Total Energies
For All Fiji Sun Advertising
Fijisun E-edition
Fiji Sun Instagram
Subscribe-to-Newspaper