Era marau na lewe ni koro o Tawava kei kena veiwekani mai Yawe, Kadavu, ni dua na luvei Tawava esa tiki ni kena sagai me buli se tarai vou na noda Viti me dua na Viti vinaka mai muri.

Oqo ni oti na nona mai cavui­sausau me cabeta na itutu vaka Minisita ni Tabacakacaka iTaukei ko Ifereimi Vasu, me vaka eda sa vakadinadinataka ena vica na ma­cawa sa oti ni mai oti na veidigidigi levu.

E sa yabaki 63 ko Vasu, ka cavutu mai ena yavusa o Nauluvatu.

E sega ni ka vou vua na vanua e sa mai cabeta oqo, baleta ni sa vakaitavitaki koya oti ena so na veitutu lelevu ena Matanitu mai na gauna a cakacaka tu kina ena mataivalu, a Talai Veivuke ena Tokalau, ni bera na nona mai liu­taka na vanua ni veivakarautaki e Korovou na Fiji Corrections Ser­vice.

Ena noda bula vaka iTaukei, na veigauna era cavuisausau kina na kawa ni dua na vanua me rawata na nona vuli se cabeta e dua na itutu cecere, era na dau cibi na vuvale, mataqali, yavusa kei na kena vei­wekani.

To read more, click on this link to access the full article and details: https://eedition.fijisun.com.fj/subscriptionplans

 Feedback: lusiana.tuimaisala@fijisun.com.fj