Ea biuta vata e dua na vuli na Matabose ni Tabacakacaka iTaukei ena vukudra na vei li­uliu (directors) ni kabani ni Yasana ena noda vanua.

Na vuli oqo e a dolava na turaga na Minista ni Veikavakaitaukei, iTovo kei na iYau Mareqeti, ko Ifereimi Vasu e Suva ena macawa oqo.

Na inaki bibi ni veituberi oqo ena nodra vakararamataki na liga ni veiqaravi ena nodra itavi ena vuku ni cicivaki ni kabani ni yasana.

E oka tale ga kina na nodra mai raica vata na veika esa vakayacori tiko ena vei kabani ni yasana ena veiyabaki sa oti me yacova tiko mai na gauna oqo.

Oqo ena vakarawarawataka vua na Matabose ni Tabacakacaka iTaukei na kena vukei ena kena vueti cake na vei kabani ni yasana.

E tiki tale tikoga ni naki me vaka­votukana taki na tatadra kei na raivotu ni Tabacakacaka iTaukei ena vuku ni kena cicivaki na kabani ni yasana.

Oqo e se qai matai ni gauna mera dabe vata na cicivaka tiko na bisini­si ni vei yasana me ra veiwaseitaka na veika matailalai me baleta na nodra dui bisinisi.

Na vuli oqo e salavata tiko kei na sasaga ni Tabacakacaka iTaukei ena nodra laveti cake na vei bisinisi ni yasana ka me vakilai na kena i va­kayaga vei ira na noda vei koro kei na vuvale.

Vurevure ni Tukutuku: Tabacakacaka iTaukei