NATION | Siga Vou

SIGA VOU: E NA RAWA NA QAQA: Voka

E vakaraitaka na kavetani ni timi na Fiji Airways Fijian Drua o Mosese Voka, ni na rawa na qaqa e na qito vata kei na Melbourne Rising e na rara
29 Aug 2018 15:54
SIGA VOU: E NA RAWA NA QAQA: Voka

E vakaraitaka na kavetani ni timi na Fiji Airways Fijian Drua o Mosese Voka, ni na rawa na qaqa e na qito vata kei na Melbourne Rising e na rara na Ratu Cakobau Park mai Nausori e na Vakarauwai oqo.

Na vuna e tukuna kina oqo, e tukuna ni ratou sa vakarautaki vinaka sara ga na timi, mai vua na dau na veivakavulici o Senirusi Seruvakula.

E marautaka talega o Voka na kena sa mai veisautaka na  vakavakarau ni timi o Seruvakula.

Na veisau oqo e tukuna o Voka, e na vakavulici ira na dauqito mera dinata ka vakamuria vinaka na porokaramu e soli vei ira.

“Ke dua e na sega ni dinata, e na kune e na gauna ni qito,” e tukuna o Voka.

E na qito kei iratou na Melbourne Rising e tukuna o Voka, ni na dua na qito kaukauwa. Na mataqali qito eratou na vakaraitaka, e tukuna o Voka e na rawa ni na ratou na sogota na qito ia kivei iratou na Drua, eratou na vakacicivi iratou na vulagi.

E dua e dodonu me na qarauni e na qito e na Vakarauwai oqo vei iratou na Melbourne Rising o Isi Naisarani, e dua talega na gone iTaukei ka sa tu ga mai kea.

O Naisarani e sa lewena tiko na timi na Brumbies ka sa la’ki vakaukauwa yago kei iratou na lewe ni timi ni Wallabies e na vula sa oti.

Na nona la’ki vakaukauwa yago oqo, e sa vakarautaki tiko kina me na lewena na Wallabies e na yabaki ka tu mai.



Laybuy it 5squares


Get updates from the Fiji Sun, handpicked and delivered to your inbox.


By entering your email address you're giving us permission to send you news and offers. You can opt-out at any time.


Fiji Sun Instagram
Subscribe-to-Newspaper