Siga Vou

Bula Sautu Ena Kena Vakayagataki Na iYaubula

  Eratou sa vakaraitaka mai ki na Siga Vou na Komiti ni Yaubula ni yasana vakaturaga o Lomaiviti na kauwai ni yasana me baleta na iyaubula kei ira na lewenivanua.
29 Jan 2019 11:55
Bula Sautu Ena Kena Vakayagataki Na iYaubula

 

Eratou sa vakaraitaka mai ki na Siga Vou na Komiti ni Yaubula ni yasana vakaturaga o Lomaiviti na kauwai ni yasana me baleta na iyaubula kei ira na lewenivanua.

E vakaraitaka na jemeni ni komiti o Ifereimi Dau, ena veivakadonui mai vua na jemeni ni Bose ni Yasana o Lomaiviti o Joji Qaranivalu, na kauwai  sai koya na kena sagai me rawati na tiko vinaka kei na bula sautu mai vei ira na lewe ni yasana, ena kena vakayagataki vakavinaka ka vakamatau na iyaubula kece sara ena loma ni yasana.

E kuria oqo ena vakayagataki kina eso na ituvatuva matau me rawa mera kunea kina na bula o ira na bula tiko qo ka maroroya talega eso na ka me na donui ira era muri tiko mai.

Na nodratou ituvatuva ni veiqaravi e tukuna o Dau e tiko ena “Lomaiviti Natural Resources Management Strategy: 2016-2019”.  “Ia au kila ni na laveti tale ki na Bose ni Yasana me toso tale na kena gauna ni veiqaravi ia keitou na dikeva lesu taumada na kena ka sa qaravi rawa ni bera na Bose ni Yasana,” e tukuna o Dau.

E kuria ni nodratou veiqaravi era veivuke tiko kina na veitabana vakamatanitu ka ra veiqaravi e Lomaiviti kei ira talega na veitabana ena taudaku ni Matanitu me vaka na World Wide Fund for Nature (WWF), Wildlife Conservation Society (WCS), Rotary Water for Life, Think Pacific, GVI se Global Vision International, na Fiji Red Cross, kei na so tale.

Eso talega na veitabana vaka na Australian Volunteer Scheme kei na United Nations Development Programme (UNDP) era veivuke tiko yani ki na loma ni Yasana ena kena tuvalaki na ituvatuva matau eso.

Feedbackmaikab@fijisun.com.fj

Fiji Sun Instagram
Fiji Plus
Subscribe-to-Newspaper
error: