Na qoli butako ena veiyasai Viti e vakayacori ena veisiga, e vakaraitaka e dua na vakadikedike.

Na United Nations Development Programme (UNDP) e tukuni kina e Viti na iqoliqoli e vakatokai me nodra dodonu o ira era va kovukovu ni waitui.

E ratou maroroya tu na Matabose ni Qoliqoli vakaitaukei, e kuria na vakadidike na wasewasei vakamatailalai ni qoliqoli. E tiko ena 385 na iqoliqoli ena veibaravi ka 25 na iqoliqoli ena veiuciwai e Viti, na veisasalu ni waitui e sa i vurevure ni nodra bula e rauta e 300,000 na lewenivanua ka ra bula voli ena veitutu ni baravi.

Ena veiyabaki sa oti e laurai ni totolo na nodra sotava na leqa na veikorokoro ena veitutu ni baravi ka vu mai na qoli vakaveitalia, volitaki ni sasalu me i vurevure ni lavo, malumalumu ni kena vaqaqacotaki na lawa ni qoliqoli kei na kena vakayagataki na veisala caca wale ni veiqaravi ka vakavuna kina na kena drava nai qoliqoli.

Na qoli butako ena veiyasai Viti era sa kauwaitaka vakalevu na itaukei ni qoliqoli.

Ko ira na volitaki ika ena makete ni ika ena Jerusalem Road e Nabua.

Era sa tukuna na nodra kauwa ki na bose ni yasana, ka ra sa tekivuna na nodra porokaramu ena kena yadravi na nodra iqoliqoli.

Ko ira na qoli butako  e levu ga vei ira era qoli ena bogi, ka ra volivolitaki ena siga.

Ena iotioti ni bose ni yasana o Serua ena yabaki sa oti mai Navua era kerea na Tabana ni Qoli e dua na nodra vuli na ovisa ni qoliqoli. Na vuli oqo e qai laki vakayacori ena yanuyanu o Yanuca.

Sa tukuni vei ira na nodra itavi ka sa na veivuke na Ovisa kei na Mataivalu e Wai. E dua na itukutuku e sa ciqoma na Siga Vou me baleta na qoli butako e Lomaiviti  ni na levu na gauna era veikau sara tikoga yani o ira na cauravou se turaga ka ra sema tu ki na nodra veiyanuyanu.

Ko ira na qoli butako e tukuni ki na Siga Vou era qoli vakalevu ena bogi ka levu ga era gole yani e Suva.

Feedback:  maikab@fijisun.com.fj