Siga Vou

Tukuni Lekaleka: 29th January, 2019

Talatala e Waima Era sa vakadonuya na Wasewase ni Lotu Wesele e Waima ena  Tabacakacaka o Matailobau me sa dua na nodra iTalatala. E tukuna na turaga Taukei Waima o
29 Jan 2019 11:59
Tukuni Lekaleka: 29th January, 2019

Talatala e Waima

Era sa vakadonuya na Wasewase ni Lotu Wesele e Waima ena  Tabacakacaka o Matailobau me sa dua na nodra iTalatala.

E tukuna na turaga Taukei Waima o Ratu Timoci Rokobukete, ni ratou sa na vakauta na nodratou vakatutu ki na Tabacakacaka o Matailobau me na qai vakauta cake ki na valenivolavola liu ni Lotu Wesele e Suva.

Eratou na qai vinakata na nodratou italatala ena 2022 ka me ratou na vakarautaki iratou ena 2019 ki na 2021.

Na veika kece sara me baleta na nodratou italatala eratou sa bolea me ratou na qarava.

Ena gauna oqo  eratou qaravi tiko vua e dua na iVakatawa ka tiko na iTalatala mai Matailobau.

Vinaka na tei  raisi e Rewa

Era sa vakauqeti na dauteitei e Rewa mera sa tei raisi me volitaki.

Na qele e Rewa eratou sa vakadinadinataka na Tabana ni Teitei ni tiko kina na qele vinaka me tei kina na raisi.

E rauta e 15,000 a ekateya na qele e  sega ni teivaka ena yasana ka na rawa ni tei kina na raisi.

E tukuna na vakailesilesi liu ena Tabana ni Teitei e Rewa o Mohammed Kadir Khan ni sa tei tu na raisi e Rewa ia e ka ga me laukana ka lailai e bisinisitaki.

Na turaga-ni-koro e Burebasaga o Panapasa Tade e marautaka na vuli e laki qaravi ena koro me baleta na teivaki na raisi

E tukuna ni dau teivakai tu na raisi e Rewa e liu ia era marautaka vakalevu na veivuke ni Tabana ni Teitei ena iwalewale vou ni teitei eratou sa kauta yani vei ira.

Na taqomaki  ni uciwai

Sa vakadeitaka Minisita ni Teitei o Mahendra Reddy ni na toso tikoga na cakacaka me baleta na kena taqomaki na  uciwai ena kena sisi tiko na qele e batibatina.

Na cakacaka e sa vakayacori tiko ena gauna oqo mai Nadakuni ka kena sau vakailavo e rauta ni $975,397 kei  na ucuwai mai Nadaro ka kena isau e $431,333.

E vakadeitaka talega na kena sa toso tiko na cakacaka me baleta na ba ni ua ena koro o  Lamini, Taveuni, kei Namoli mai Lautoka.

Toso na timi  ki Ositerelia

Eratou sa vuka ki Ositerelia na timi qaqa ni lewe vitu me ratou laki vakarautaki iratou ena qito ni Sydney 7s ena mua ni macawa oqo.

Ia ena noda vanua, e levu mai na veiyanuyanu era sa marautaka tikoga na qaqa nei Viti ena sotasota ni Hamilton 7s.

E levu era soqo vata ki na nodra vale vakoro me ra laki tomana kina na nodra marau. E nodra ikaukau ga yani na yaqona.

Feedback:  maikab@fijisun.com.fj




Subscribe to E-Edition
china daily
SPSE
Subscribe-to-Newspaper
Fiji Sun Instagram
Subscribe-to-Newspaper
error: