Siga Vou

Na Ibe na Varinisara E Waisa, Kubulau, Bua

Eratou tosoya tikoga na nodratou veiqaravi ena noda vanua na Tabana ni Vosa kei na iTovo Vakaviti, ena Tabacaka- caka iTaukei. E dua na tiki ni nodratou veiqaravi, sai koya
30 Jan 2019 15:11
Na Ibe na Varinisara E Waisa, Kubulau, Bua
Na tali ibe.

Eratou tosoya tikoga na nodratou veiqaravi ena noda vanua na Tabana ni Vosa kei na iTovo Vakaviti, ena Tabacaka- caka iTaukei.

E dua na tiki ni nodratou veiqaravi, sai koya na kena vakabulabu- lataki na noda itovo na iTaukei ka me kakua ni yali yani vakadua.

Na inaki bibi ni veivakabulabulataki, sai koya me maroroya na vuku iTaukei se vuku vanua, e taukena na vanua, me vakawaci se vakadewataki tikoga, me yacovi ira na luveda ni mataka.

E dau qaravi na veivakabulabula- taki ena veivanua era taukena na Vuku iTaukei se Vuku Vanua (Intangible Cultural Heritage-ICH), era kena dau ena cakacaka ni liga, na isaqasaqa ni kakana, na meke, vucu, qoli kei na so tale na itovo vakavanua e kilai tani kina na vanua, koya e sa voleka ni yali se kawaboko.

Ena noda vanua sa tu na veika era kilai tani kina, ia e kani rarawa ni levu era sa sega ni kila na kena icakacaka.

Eratou a qarava e dua na Vuli ni Veivakabulabulataki na tabana oqo ena Tiseba sa oti mai nai ka 3 ki nai ka 6 ni siga ena koro o Waisa mai na tikina o Kubulau ena yasana vakaturaga o Bua.

Na koro oqo o Waisa e kilai e Bua ena nodra dau talia e dua na mataqali ibe kara vakatoka me yacana na Varinisara.

E tukuni ena kena itukutuku ni dua tani na ibe oqo, baleta ni matailalai vinaka na matani talitali. Era kaya na marama mai Waisa,

ni yaca ni ibe, e dua na mataqali ika lailai ni waitui, via mataqali vata tu na daniva, mera qeleqeleni ena nodra veibaravi.

E yacani ika lalai oqo ena so na vanua, na vaca, vaya, ia e yacana e Waisa, na sara.

Ena itukutuku eratou vakarau- taka, eratou tukuna ni sega ni dua na ivakarau ni kena dau toci na ilawa, era dau vakasamataka se raitayaloyalotaka ga na varinisara na marama ni Waisa, ya me matailalai. Era vakaraitaka talega, me tekivu mai vei ira na tinadra kei na budra e liu, na ibe taucoko sara e tali e Waisa, e tali ga na Vacinisara, ya na icoco, vakabati, me yaco sara ena ibe duadua se itaratara.

Na vuli macawa dua e veivakavulici kina o Reapi Buiogo, e marama ga ni Waisa, ka vakawati ki Natuvu, Wailevu.

Era lewe 19 taucoko na marama era vuli ena veivakabulabulataki qo mai Waisa, era okati kina na marama ga ena koro kei ira era vakawatitaki yani e Nasuva.

E qaravi vata talega na Veivakararamataki ni Tabana, ena vei- yakavi, na suitu ga ni itukutuku era vakararamataki kina, ya me tali na nodra bula ni veiwekani, bula vakavanua, bula vakalotu, me vaka na Vacinisara.

E matailalai, ka coko se dei vakavinaka na matani talitali, ka me vaka talega kina na nodra bula ni qarava na nodra itavi ena vanua, lotu kei na matanitu.

E vakadeitaki vei ira mera okata na Varinisara, me idusidusi ena nodra bula, na gauna ena luluqa kina se malumalumu mai na nodra qarava na vanua.

“Mera na dau rai lesu ga kina Varisara, matailailai, coko, dei, mau vakavinaka na kena itali, sa ikoya na iyaloyalo levu me na dau dusimaka tiko na Vanua o Nasuva,” e tukuna na nodratou ituku- tuku vakarautaki.

Feedback: maikab@fijisun.com.fj

Fiji Sun Instagram
Subscribe-to-Newspaper
error: