Siga Vou

Rawa Na Bula Ena Volitaki Ika

Na totoka ni bula ni dua na matavuvale e yavutaki mai ena veilomani kei na nodrau veirogorogoci na veiwatini. Ena noda bula na iTaukei, e iliuliu ni matavuvale na turaga
30 Jan 2019 15:01
Rawa Na Bula Ena Volitaki Ika
Olivia Tabua ena nona teveli ni volitaki ika ena makete e Labasa. Veitaba: Shratika Naidu

Na totoka ni bula ni dua na matavuvale e yavutaki mai ena veilomani kei na nodrau veirogorogoci na veiwatini.

Ena noda bula na iTaukei, e iliuliu ni matavuvale na turaga ka dau vakatulewataka na veika ena loma ni vale.

Ia, ena veisau sa liwava mai na noda vanua kei na kena sa vakabibitaki na nodra dodonu na radini vale, sa na doudou ena nona tukuna cake eso na ka me baleta na bula ni matavuvale.

Sa tu talega na nodra dodonu na gone ka me kua ni na vakaweleweletaki.

Ni yaco na veirogorogoci ena loma ni matavuvale ena kune kina na bula marau, veikauwaitaki kei na loloma.

Mai na Vualiku, e veitalanoa kei na Siga Vou o Olivia Tabua, e dua na dau volitaki ika ena makete e Labasa.

E watina o Setareki Salabula mai Wailevu West, Cakaudrove ka lima na luvedrau. E lewe tolu eratou sa vuli ka rau lewe rua erau se tikoga e vale.

Ko Olivia, e cakacaka tiko vua e dua na marama ni Idia ka volitaki ika ena makete ni ika ena Jerusalem Road e Suva.

E volitaki ika mai na Moniti kina Vakarauwai ka kena isau e $150 ena dua na macawa.

Nai lavo oqo, e tukuna o Olivia, ni ratou sa bula marau kina na nona matavuvale.

E tukuna, ni dau qarava rawa na nona cakacaka ni vale ni bera ni gole yani ki na makete.

Na volitaki ika, e tukuna o Olivia, e sega ni rawarawa, ka vakabibi ni ra volitaka na mataqali ika vata ga ka tautauvata talega na kedra isau.

Ia vei Olivia era sa tu ga ko ira na nona dau mai volivoli vua, ni ra dau marautaka na nona veiqaravi.

Sau ni Ika

Na isau ni dua nai tui ika ena vakatau mai na levu ni ika e tiko kina kei na mataqali ika cava.

E dua na dokoni levu e $40, na saqa e $7.50 dua na kilokaramu. Na nona itui ika e tiko mai na $15 kina $25 na kena isau.

Na waitina o Salabula e tu ga e vale, ia e volitaki yaqona ena veisi- ga ni oti mai na nona qarava na nodratou iteitei.

Mai na ilavo ni ika kei na yaqona, e tukuna o Olivia, ni voli kina na nodratou iyaya ni vuli na lewe tolu eratou vuli kei na veika kece e ga- drevi ena matavuvale.

Sa nona ivakasala kivei ira na marama era tu ga e vale, mera vaqara cakacaka ka ra vukei wa- tidra.

Na cakacaka, e tukuna, ia ko ira na marama mera tosova yani.

E tukuna o Olivia ni ratou bula marau na nona matavuvale, ka ratou veirogoci ena veigauna.

E tukuna talega ni rokova na nodratou dodonu na luvena.

Feedback: maikab@fijisun.com.fj

Subscribe to E-Edition
china daily
SPSE
Subscribe-to-Newspaper
Fiji Sun Instagram
Subscribe-to-Newspaper
error: