Siga Vou

Tukutuku Lekaleka: 30th January, 2019

Sa veitalanoataki tu ga na Hamilton 7s E dina ni sa mai oti na sotasota ni Hamilton 7s, e sa veitalanoataki tu ga oqo na nodratou qito totoka na cauravou.
30 Jan 2019 15:23
Tukutuku Lekaleka: 30th January, 2019
Gareth Baber

Sa veitalanoataki tu ga na Hamilton 7s

E dina ni sa mai oti na sotasota ni Hamilton 7s, e sa veitalanoataki tu ga oqo na nodratou qito totoka na cauravou.

Ia vei iratou na cauravou, eratou sa vakanadakuya na qito mai Niusiladi, me vaka ni ratou sa vakanamata vakatabakidua ki na Sydney 7s mai Ositerelia ka na vakayacori tiko ena Vakarauwai kei na Sigatabu ga oqo.

 

Liutaka na ilakolako o Waqainabete

E liutaka e dua na ilakolako e Viti ki nai ka 144 ni bose ni World Health Organisation (WHO) Executive Board ki Geneva, na Minisita ni Bula o Vuniwai Ifereimi Waqainabete.

Ena rua na macawa na bose oqo.

Erau sa laki sota vata kei na kena iliuliu levu o Dr Tedros Adhanom Ghebreyesus ka vakavinavinakataka na nona veiliutaki vinaka.

Ko Viti taudua na matanitu ena Pasivika e tiko ena bose cecere oqo.

 

Namaki me yaco na wai ena Evereli

Era namaka tiko mai na koro vakaturaga o Ucunivanua mai Verata, Tailevu ni sa na yaco yani kina koro na wai ena vula o Evereli.

E tukuna mai ki na Siga Vou na turaganikoro o Ratu Sevanaia Verata, ni ra sa raica lesuva tiko mada na paipo era takosova na wai ena kena vakadurutaki me tokoni vinaka.

Era cakacaka tiko ko ira mai na Tabana ni Wai ka ra veivuke na lewenivanua era digitaki. Esa dede na leqa ni wai e Ucunivanua, ia oqo, e tukuna o Ratu Sevanaia, e sa na mai vakarau oti ena veivuke ni matanitu e veiliutaki tiko oqo.

 

Oti na vuli e na koro o Nakorovatu

Sa mai qaravi oti e dua na vuli ena koro o Nakorovatu ena tikina o Waima ena yasana o Naitasiri.

Na vuli oqo e baleti ira na itabagone ka na nodra itavi ena nodra koro, tikina kei na yasana. E tukuna na iliuliu vakavanua ni koro, o Ratu Timoci Rokobukete ni vuli oqo era wili ruarua kina na cauravou kei na gone yalewa.

E levu vei ira oqo era sa biu vuli ka ra sa laki tu ga ena koro, ka ra marautaka na nodra vuli. E tukuna o Ratu Timoci ni na vakayacori tale e dua me vaka ni ra ka yali eso na turaga ni mataqali.

 

 

Fiji Sun Instagram
Fiji Plus
Subscribe-to-Newspaper
error: