Siga Vou

Bosei E Lakeba Na ITuvatuva Ni Lavo Ni 2019 – 2020

  Ena bosei ena Bose ni Yasana o Lau mai Lakeba ena Evereli na ituvatuva ni lavo ni 2019 – 2020. E vakadeitaka mai oqo kina Siga Vou ena noa
01 Feb 2019 15:17
Bosei E Lakeba Na ITuvatuva Ni Lavo Ni 2019 – 2020
Eratou sa gole tiko oqo (mai na yasana imawi) nai Vukevuke ni Vunivola Tudei ni Tabacakacaka iTaukei o Saimoni Waibuta, na marama Vukevuke ni Minisita ni Tabacakacaka iTaukei o Selai Adimaitoga kei na dua na vakalesilesi liu ni tabacakacaka, o Josefa Toganivalu ki na valenivolavola e Draiba. Veitaba: Tabacakacaka iTaukei

 

Ena bosei ena Bose ni Yasana o Lau mai Lakeba ena Evereli na ituvatuva ni lavo ni 2019 – 2020.

E vakadeitaka mai oqo kina Siga Vou ena noa na Roko Tui Lau Vakatawa o Panapasa Ravea.

Na bose mai Lau e vakadeitaka ni na vakayacori mai na koro vakaturaga o Tubou mai Lakeba.

“Na bose ena vakayacori ena vula ko Evereli ka sa na vakarau vakadeitaki na kena tiki ni siga,” e tukuna o Ravea.

E tukuna o Ravea ni bose oqo e dodonu me a vakayacori ena yabaki sa oti, ia e mani vakadaroi baleta eso na veika e a curu takoso.

Ko Lakeba, e tukuna ni a sa vakarautaka na bose ena yabaki sa oti, ia sa baci tekivu tale na nodratou vakavakarau ka ratou marautaka ni na laki vakayacori na bose ki Tubou.

Vei ira na lewe ni bose ni yasana, e tukuna o Ravea ni ra sa vakavakarau tale tu ga.

Ni sa matata na tiki ni siga ni bose e tukuna o Raceva sa na vakau kivei ira na kena itukutuku.

Na imatai ni ka bibi ena veivosakitaki sai koya na ilavo me na vakayagataki ena 2019 – 2020.

E vakadeitaka o Raceva ni na vakadonui oti ga, sa na qai toso na veivosaki ena kena raici lesu na veivakatorocaketaki e vakayacori ena loma ni yasana ena 2019.

Ena veivosakitaki ka vakadonui na ituvatuva ni veivakatorocaketaki ena loma ni yasana ena yabaki oqo.

Na ituvatuva oqo ena salavata kei na vakadidike e a vakayacori ena veikoro.

Na vakadidike e mai vakayacori ni vinakata na matanitu e veiliutaki tiko ena gauna oqo me kilai dina na veika era vinakata na tu ena koro.

Ena veigauna e liu, na veivakatorocaketaki ena veikoro e dau levu ga na tara ni vale ni soqo kei na vale ni lotu kei na so tale na ka me yaga ki na koro.

Sa mai veisau oqo ni sa gadrevi me tara na lewenivanua na veivakatorocaketaki.

Na matanitu, e vinakata na veivakatorocaketaki me vakayacori ka me na vakatau mai ki na gagadre ni lewenivanua yadua.

Sa mai tamusuka na Turaga Paraiminisita o Voreqe Bainimarama na mataqali veivakatorocaketaki e yavutaki ena kilavata ka ra dau vakayacora tu na veimatanitu sa oti.

Na matanitu oqo e sa rogoca na domodra na lewenivanua ena veivakatorocaketaki era vinakata.

Me kilai na nodra gagadre na lewenivanua, era sa vakasalataki nai vakalesilesi ni matanitu mera sirovi ira sobu na lewenivanua ka rogoca mai na veika era vinakata.

Feedback: maikab@fijisun.com.fj

Subscribe to E-Edition
Vodafone-giga-plan
GSMA
Subscribe-to-Newspaper
SPSE
Fiji Sun Instagram
Subscribe-to-Newspaper
error: