Siga Vou

Marautaki Na Solesolevaki Ni Tei Yaqona

  E ra sa tekivu solesolevaki na 36 na dau tei yaqona mai Lomaji, Matuku, ena kena teivaki na 4,000 na kasa ni yaqona mai Moala ka solia yani na
01 Feb 2019 15:05
Marautaki Na Solesolevaki Ni Tei Yaqona
Na veiloga ni yaqona.

 

E ra sa tekivu solesolevaki na 36 na dau tei yaqona mai Lomaji, Matuku, ena kena teivaki na 4,000 na kasa ni yaqona mai Moala ka solia yani na Tabana ni Teitei.

E vakaraitaka mai ki na Siga Vou na turaganikoro o Ilaitia Cama, ni ra wasea vakatautauvata na 36 na dau teitei na 4,000 na kasa ia era solevaka na kena tei.

“Keimami tekivu solesolevaki ena macawa oqo ka dodonu me sa oti talega ena Vakaraubuka ga oqo,” e tukuna o Cama.

E tukuna ni ratou cakacaka vata tiko kei iratou na Tabana ni Teitei kei nai Talai ena Tokalau (Commissioner Eastern) o Luke Moroivalu.

Na Tabana ni Teitei, e tukuna, ni vakarautaka mai na kasa mai Moala, ia na Talai ena Tokalau e veivosakitaka na kena kau mai Moala ki na koro o Lomaji e Makutu.

Sa vakaraitaka na turaganikoro na kena sa vakarau oti na kasa ni yaqona ki na Tabana ni Teitei, ka ratou sa vakadeitaka yani ni sa na vakarau kau tale yani eso na kasa.

E tukuna o Cama ni sa tiko e dua na nodratou idinicavu ka usana iko mai na kasa mai Moala kivei iratou e Lomaji.

Era veitokoni na marama ena solesolevaki ena nodra vakarautaka na kedra ivakasigalevu, ka tukuna o Cama ni ka era cakava oqo, e vakabulabulataka tiko na nodra cakacaka.

Sa solia talega na nona veitokoni kivei iratou, e tukuna na Bose ni Tikina o Matuku kei na lotu.

Ni sa tekivu na solesolevaki, e tukuna o turaganikoro nira sa tabu ena yaqona ka sa masulaka talega na turaga na iTalatala Qase e Matuku.

“Na vakatatabu ena yaqona ena qai tara sara ni sa oti na solesolevaki.”

Era vakavinavinakataka na Talai ena Tokalau ena nodra vakasalataki ira kei na veivuke e solia tiko.

Na porokaramu ni tei yaqona oqo, e tukuna o Cama ni sa tekivuna oti na Talai ena Tokalau mai Koro, Sawaieke mai Gau kei Ovalau.

Ena tolu na yabaki na porokaramu ka sa masulaka oti talega na turaga na iTalatala na kena vakatatabu.

Feedback: maikab@fijisun.com.fj

Fijisun E-edition
Tanoa Waterfront Lautoka Fiji
Subscribe-to-Newspaper
Fiji Sun Instagram
Fiji Plus
Subscribe-to-Newspaper
error: