Siga Vou

Kau Na Ose Ki Gau Me Veivuke Vei Ira Na Dau Teitei

E la’ki voli na Ose mai Sigatoka, ka na kedra isau e tiko mai na loma ni $400 - $500 dua na ose, ka na vakatau mai na kedra levu.
15 Feb 2019 11:37
Kau Na Ose Ki Gau Me Veivuke Vei Ira Na Dau Teitei
Era sa sobu oqo na Ose ena wavu mai Qarani, Gau. Veitaba: Tabacakacaka ni Teitei

E dua na kerekere era cakava mai Gau ki na Tabana ni Teitei me laki ta na gaunisala ki na nodra iteitei (Farm Road).

Ena nodra mai dabe na ivakalesilesi e cake era raica ni na dredre na kena ta na gaunisala ia ena rawarawa ke vakarautaki ga na ose.

Ena macawa sa oti e tukuna na turaga na Distirct Officer (DO) mai Gau o Revoni Rakasavu ni sa sobu yani e 32 na ose ena wavu mai Qarani.

Ni ratou tarogi na Tabana ni Teitei e qai tukuna na nodratou gusu ni vosa o Eremodo Tuni ni la’ki voli na ose mai Sigatoka, ka na kedra isau e tiko mai na loma ni $400 – $500 dua na ose, ka na vakatau mai na kedra levu.

Era sa sobu oqo na Ose ena wavu mai Qarani, Gau. Veitaba: Tabacakacaka ni Teitei

Era sa sobu oqo na Ose ena wavu mai Qarani, Gau. Veitaba: Tabacakacaka ni Teitei

E tukuna o Tuni ni 32 na ose oqo era na laki wasea na veikorokoro mera tau ya rua, dua na tagane ka dua na yalewa.

Na veikoro mai Gau o Sawaieke, Somosomo, Nawaikama, Nukuloa, Levuka-i-gau, Lovu, Vadravadra, Yadua, Navukailagi, Qarani, Vione, Lekanai, Vanuaso, Nacavanadi, Malawai kei Lamiti.

Ko ira na ose oqo e tukuna o Tuni mera la’ki veivuke mai ena kena kau mai na nodra ivoli mai na nodra iteitei ki na koro.

Ena gauna oqo e tukuna o Rakasavu era colacola mai na nodra iteitei kina koro ka ra sa dau oca kina vakalevu.

Na ose, e tukuna o Rakasavu, ena veivuke sara vakalevu vei ira ni levu era sa qase era sa dau kerea na veivuke ena kena kau mai na nodra ivoli kina koro.

E gadrevi mera la’ki va kawa na ose ka qo na vuna e tukuna o Revoni e soli kina e dua na ose tagane kei na dua na ose yalewa kina veikoro.

Feedback: maikab@fijisun.com.fj



Five Squares 7S Gold Deals


Get updates from the Fiji Sun, handpicked and delivered to your inbox.


By entering your email address you're giving us permission to send you news and offers. You can opt-out at any time.


Total
Covid 19 - SPC
Subscribe-to-Newspaper
Fiji Sun Instagram
Subscribe-to-Newspaper