Siga Vou

Tawani Na iTutu Ni Roko Tui Lau

Ni sa mai tawa oqo na itutu vaka Roko Tui e Lau, e tukuna o Natoba, ni sa qai vo oqo me tawa na itutu ena yasana vakaturaga o Lomaiviti.
15 Feb 2019 11:40
Tawani Na iTutu Ni Roko Tui Lau
Na Roko Tui Lau o Maikeli Waqatabu (mai na imawi) kei na Roko Tui Naitasiri o Ifereimi Corerega ena nodra vuli na Roko Tui e Suva. Veitaba: Tabacakacaka iTaukei

Sa mai tawana na itutu ni Roko Tui Lau o Maikeli Waqatabu, e dua ka cakacaka tu ena Tabacakacaka iTaukei mai Labasa.

E vakadeitaka mai oqo ki na Siga Vou na gusu ni vosa ni Tabacakacaka iTaukei o Alipate Natoba.

Ni sa mai tawa oqo na itutu vaka Roko Tui e Lau, e tukuna o Natoba, ni sa qai vo oqo me tawa na itutu ena yasana vakaturaga o Lomaiviti.

E tukuna ni o Penijamini Velitokaduadua na RokoTui Lomaiviti e a sa dodonu me cegu ena yabaki sa oti, ia e qai kerei me vakaotia na yabaki qai cegu.

Na itutu ni Roko Tui Lau e a taura vakatawa tiko o Panapasa Ravea.

Ena veilesi vei ira na Roko Tui ena yabaki oqo e a lesi kina na Roko Tui Lau o Paula Delaivuna ki Ra ka lesi mai na Roko Tui Ra o Mosese Nakoroi ki Tailevu.

Ena ituvatuva ni Bose ni Yasana e vakarautaka na Tabacakacaka iTaukei, na Bose ni Yasana o Lau ena vakayacori mai Lakeba ena Evereli.

Na ka bibi ena bosei kina me vakadonui talega na ituvatuva ni lavo ni 2019 – 2020.

Ena qarava tale tikoga mai Tubou na bose vakayabaki ni Lotu Wesele ena vula ko Me.

Feedback: maikab@fijisun.com.fj

Subscribe to E-Edition
Vodafone-giga-plan
GSMA
Subscribe-to-Newspaper
Fiji Sun Instagram
Subscribe-to-Newspaper
error: