Veisiko ki Tailevu o Naiqamu

Sa tekivu veisiko ki na na yasana vakaturaga o Tailevu na Minisita ni Veikau o Osea Naiqamu ena kena la’ki vunautaki na porokaramu ni tei kau ka vakatokai tiko na ‘Four Million Trees in Four Years’.

Sa koto oqori na tiki ni siga kei na vanua ena tiko kina:

• 19.02.19 – Nabulini, Nasautoka

• 20.02.19 – Tonia, Naivicula; n21.02.19 – Nameka, Vatukarasa;

• 22.02.19 – Matacula, Sawakasa;

• 25.02.19 – Silana,Delakado, Nataleira;

• 26.02.19 – Qelekuro, Namena;

• 27.02.19 – Veinuqa, Naitutu;

• 28.02.19 – Ucunivanua, Raralevu.

Ena tekivu na veivosaki mai na 10 ena mataka kina 2 ena yakavi.

Dei tiko na tikinisiga ni Bose ni Yasana o Ra

E sa dei tikoga na tikinisiga ena vakayacori kina na Bose ni Yasana o Ra. Ena vakayacori enai ka 28 ni siga ena koro vakaturaga o Nukuloa.

Na Bose ni Yasana o Macuata e dodonu me vakayacori talega ena vula Veverueri ia sa na qai dabe ena vula o Maji.

Vakananumi ni Lotu Wesele e Drekeiwaila

tolu na valenilotu e Drekeiwali ena yavu ni vakananumi.

Ena itukutuku ni lotu e Drekeiwaila e a tekivu na lotu e Vunuku na vale nei Mataiasi Rarawa, ka toki kina na dua na Vale Lolo ka sa qai vure mai kina na vakanananu me sa dua na valenilotu simede.

E tekivu tara na valenilotu vou ena 1991 ka dolavi enai ka 15 ni Janueri, 2000.

Sa vakarau oti na ivakananumi ka na dabe kina e dua na duru ni valenilotu na Vale Lolo, ka na qai dabe e cake nai vakananumi era volia na ivavakoso.

Na ivakanumi ni yabaki 50 ni Tabacakacaka Vakaivakatawa e Drekeiwaila ena vakayacori ena vula o Evereli nai ka 20 ni siga.

Na Tabacakacaka Vakaivakata- wa o Drekeiwaila e vakarorogo ki na na Tabacakacaka Vakaita- latala o Davuilevu.

Vakasalataki na waqa ni qoli mai vei Minisita

Era sa vakasalataki na waqa ni qoli mera vakamuria vinaka na Lawa ni Qoli e Viti.

E levu era qoli butako tiko ka sa tukuna na Minisita ni Qoli, o Semi Koroilavesau, mera qarau- ni ira tiko ni kevaka era tobo era na totogitaki.

Eso na dauqoli era sa qoli tiko- ga vakaveitalia ka sa soli vei ira na ivola ni veivakaroti n ra sa qai tobo vakadua.

Ia kevaka era na tobo tale era sa na colata na kena itotogi.