Siga Vou

Kena Imatai Kina Tabacakacaka Itaukei

Ena yabaki oqo e kuria ni sa gadreva me vakararabataka na nona cakacaka sa ratou rejisita ena ruku ni Charitable Act.
21 Feb 2019 16:08
Kena Imatai Kina Tabacakacaka Itaukei
Nai Vukevuke ni Vunivola Tudei ni Tabacakacaka iTaukei o Saimoni Waibuta (imatai ni yatu, ka va mai na matau) kei ira na lewe ni vuli mai na koro o Burebasaga, Rewa. Veitaba: Tabacakacaka iTaukei

Na vuli oqo eratou vakarautaka na Rewa Care Committee ka vakaitavi kina na Bose ni Yasana o Rewa, na Tabana ni Veivakadodonutaki kei na so tale na isoqosoqo ena taudaku ni matanitu ka vakabibi na Pacific Centre for Peacebuilding, ka vakayacori mai na koro o Burebasaga mai na yasana o Rewa.

E a vulagi dokai ena vuli oqo nai i Vukevuke ni Vunivola Tudei ni Tabacakacaka iTaukei o Saimoni Waibuta, ka tukuna ki na ni Rewa Care e a tauyavu ena 2011, ena dua na lewa ni bose ni oti na veivosaki kei iratou na Tabana ni Veivakadodonutaki ena nodra vukei na suka mai valeniveivesu.

Ena yabaki oqo e kuria ni sa gadreva me vakararabataka na nona cakacaka sa ratou rejisita ena ruku ni Charitable Act.

Ni ratou sa wili vakaisoqosoqo ena taudaku ni matanitu na Rewa Community Care (RCC) sa na rawa ni vakarabailevutaka na nona veiqaravi ka na rawa talega ni kere ilavo me vukei kina.

Na vakacokotaki kei na vakataucokotaki ni nodra bula ena gadreva na veitokoni ni lewenivanua.

Nai naki ni RCC me vakadavora na porokaramu me na tarovi ira na suka mai ena nodra lesu tale ki valeniveivesu.

E dua tale me vukei ira na suka mai mera veisautaka na nodra itovo.

Me dau veivakasalataki ka vukei ira talega ena leqa ni matavuvale ka vaka kina ko ira era dau vakasagai mai vei ira na lewenivanua.

E tukuna kivei ira na vuli ni dua na ripote e tukuna ni rauta ni 19,130 na cala ni nodra vakasagai

na gone era vuli ena paraimari ka rauta ni 5,027 ena sekeniri. Na kedra iwiliwili taucoko e 24,157 na cala.

Na veicala oqo e wili kina na wai gaga ni veivakamatenitaki, na kucu, na nodra vakasagai na gone kei na so tale na cala e vakayacori vei ira na gone.

Sa kerei ira nai itubutubu, na dau ni veisusu kei ira na lewenivanua mera cakacaka vata ena nodra taqomaki na gone.

E tukuna o Waibuka meda qarauna na bula veisau e sa yacova tiko na noda vanua ka levu na bolebole e kauta mai ki na bula vaka iTaukei.

Ni sa yaco tiko mai na veisau e kerea o Waibuta meda maroroya na yavu ni bula vakaitaukei.

Feedback: maikab@fijisun.com.fj

Fijisun E-edition
Tanoa Waterfront Lautoka Fiji
Subscribe-to-Newspaper
Fiji Sun Instagram
Fiji Plus
Subscribe-to-Newspaper
error: