Siga Vou

Kauwai Nei Namosi Ena Lawa Vakaturi Vou

E dua na kena ivakaraitaki, e tukuna, ni kevaka mo sa susuga e dua na gone ka sega ni iTaukei, na gone susu oqo e sa na tiko vua na dodonu ni taukei ni qele ka vakatalega kina na itutu vakava­nua.
28 Feb 2019 15:03
Kauwai Nei Namosi Ena Lawa Vakaturi Vou
Samisoni Tuilawaki

Na jemeni vou ni Bose ni Yasana o Namosi o Sami­soni Tuilawaki, e vakarai­taka kivei iratou na komiti ni palimedi ka vakatokai na ‘Parlia­mentary Standing Committee on Justice, Law and Human Rights’, na kauwai e tiko ena tabana e 30 kei na 31 ni lawa vakaturi na ‘Adoption Bill’.

E tukuna o Tuilawaki ni tokona o Namosi na lawa vakaturi, ia na kauwai e tiko ena tabana e 30 kei na 31.

Na lawa vakaturi vou ena veisau­taka na iVola ni Kawa Bula (VKB).

Ena gauna ga sa oti kina na vei­ka vakaivola me baleta na gone susu, na nona dodonu e sa na tau­tauvata kei ira na luvei koya e sa la’ki susu kina.

E sa na volai talega ena VKB ka sa na vakayagataka na yaca ni nona matavuvale vou.

Na leqa e tiko, e tukuna o Tuila­waki, ena qai basika ena dua ga na gauna ka dodonu me sa na namaki tiko.

E dua na kena ivakaraitaki, e tukuna, ni kevaka mo sa susuga e dua na gone ka sega ni iTaukei, na gone susu oqo e sa na tiko vua na dodonu ni taukei ni qele ka vakatalega kina na itutu vakava­nua.

Ke sa na la’ki lewena na mataqali turaga, ni sa susugi koya e dua ena mataqali turaga, ena tiko na gau­na sa na veiliutaki kina.

Eso ena taroga se cava na vuna vakabibi ni duatani na kena irai­rai mai vei ira na lewe ni mataqali turaga.

Na kena ivakarau ena gauna oqo, ni dua na gone susu, sa na vaka­takilakilataki tiko ena nona vola ni sucu, ia ni sa la’ki volai ena VKB, ena toka ga vakatikitiki.

Na gone talega oqo ena sega ni tiko na nona kaukuawa ena tauke­ni ni qele.

Ia ena lawa vakaturi vou oqo, e tukuna, sa mai veisautaka taucoko.

Sa kerea o koya ki na Ta­bacakacaka iTaukei me vakamatatataka na tikina oqo ni sa bera ni tabaki me lawatu.

Feedback: maikab@fijisun.com.fj

 

Subscribe to E-Edition
Vodafone-giga-plan
GSMA
Subscribe-to-Newspaper
Fiji Sun Instagram
Subscribe-to-Newspaper
error: