Siga Vou | Sigararama

Kerekere O Gavoka Me Duavata Na SODELPA

Tukuna o Gavoka ni na sega ni vakacegu mai ena nona itutu, me vaka era vinakata tiko e dua na ilala ena SODELPA.
29 Dec 2021 10:00
Kerekere O Gavoka Me Duavata Na SODELPA
Nai liuliu ni SODELPA o Viliame Gavoka. Veitaba: Lusiana Tuimaisalarawa

Oqo na veika e vakaraitaka na iliuliu ni SODELPA o Viliame Gavoka, me vaka ni sa rui levu sara tiko ga na yavavala ena loma ni soqosoqo ena gauna oqo.

Tukuna o Gavoka ni na sega ni vakacegu mai ena nona itutu, me vaka era vinakata tiko e dua na ilala ena SODELPA.

Nai lala oqo e kaya ni liutaki ira tiko o Lynda Tabuya, ka ra saga sara tiko vakaukauwa me vakacegu mai o Gavoka.

 

“O Lynda e vinakata tiko me taura nai tutu valiuliu ni SODELPA.”

“Na vinaka cava mada ena kauta mai.”

“E sa roro voleka tiko mai gauna ni veidigidigi ka sa dodonu me da duavata, yalovata me da toso i liu.”

 

“Ke so na kudru, e tiko na tuvatuva me muri ena loma ni soqosoqo, ka sega ni rawa ni dua e basuka na veika e virikotori ira.”

“E sa dodonu ga vei ira na lewe ni soqosoqo oqo me ra solia kece mai vei au na nodra veitokoni.”

E vakaraitaka o Gavoka ni bose ni SODELPA Na bose na siga Tusiti e bose dredre dina ia dei toka ga ena yavu.

 

E levu na veibetaki e tiko me baleti au kei na vunivola levu ni soqosoqo ia na bose e toka ga ena yavu.

Na SODELPA ena tomana tiko ga na nona veiqaravi ena kena valataki tiko na kawa iTaukei.

E kaya ira na lewenivanua vakabibi o ira na iTaukei era vinakata tiko na duavata.

“Au vakabauta ni na rawa ni yaco na vei vakameautaki ena loma ni soqosoqo.”

 

NA KA LEVU
E vakadeitaka o Gavoka ni yacova mai nikua, e se bera ni dua na ka ese vakadeitaka mai o Na Ka Levu – Ratu Tevita Makutu.

Oqo me baleta tiko ga nai soqosoqo vakapolitiki e vakatututaka tiko.

“Au sega sara ni kila na taudaku ni tukutuku e tiko me baleta na veika e sasagataka tiko o Na Ka Levu. E se bera ni keirau sota me keirau veitalanoa.”

“Au vakabauta ena yaco ga na kena gauna donu, oya me na semati ira ga mai kina soqosoqo na SODELPA okoya ga ena valataka na dodonu ni iTaukei.”

 

Taro Lesu Mai: lusiana.tuimaisala@fijisun.com.fj



Fijisun Ad Space


Get updates from the Fiji Sun, handpicked and delivered to your inbox.


By entering your email address you're giving us permission to send you news and offers. You can opt-out at any time.


Fiji Sun Instagram
Subscribe-to-Newspaper