Sigararama

Vakananumi Na Cabe Ni Lotu Mai Sawaieke

Nai ka 30 ni Jiune era a vakananuma kina mai na koro o Sawaieke, Gau na cabe ni lotu ena nodra vanua.
10 Jul 2022 19:29
Vakananumi Na Cabe Ni Lotu Mai Sawaieke
Ko ira na gone mai Sawaieke, Gau, ka ra taba toka ena yasa ni vakananumi ni cabe ni lotu, ena yasani valenilotu

Nai ka 30 ni Jiune era a vakananuma kina mai na koro o Sawaieke, Gau na cabe ni lotu ena nodra vanua.

E vakadeitaka mai oqo na turaga na Tunimata mai Sawaieke o Nacanieli Waqa.

O Tunimata e nodra matanivanua levu na turaga na Takalai Gau kara vakaitikotiko talega e Sawaieke.

E tukuna o Waqa ni lotu e Sawaieke e a cabe enai ka 30 ni Jiune ena yabaki 1835 ena baravi ka vakatokai tiko na Vale ni Dri.

Na kena italanoa e tukuna ni ratou a lewe lima na gole yani ka talai iratou yani na Vunivalu e Bau me ratou laki vakalotutaki Takalai Gau.

Ni sa lotu na turaga na Vunivalu e Bau, na turaga Takalai Gau a se kana bokola tikoga. Eratou a tara e dua na nodratou valenilotu lalaga gasau ni ratou toso ga mai vakalailai ki liu, ka sa tiko kina ena gauna oqo nai vakananumi ni cabe ni lotu e Sawaieke.

Na vulagi dokai ni soqo oqo na turaga nai talatala mai na Gau Secondary School ko James Ma’afu.

Era a kerei na gonevuli e Sawaieke mera vakagalalataki me tolu ga na auwa mera tiko talega ena soqo ni vakananumi, ka vakavinavinakataki na Tabacakacaka ni Vuli ni solia yani na veivakadonui.

Ko ira na lewe ni koro wili kina ko ira na gonevuli e tukuna o Waqa ni ra a sulu vulavula kece.

Era a tabu yaqona kece me dua na macawa ka ra masumasu ena veibogi ena nodra kerea tiko na veivakalougatataki ni Kalou me baleta na nodra soqo.

Ena macawa vata oya era a sota na turaga ni Tabacakacaka o Sawaieke ka ra tausoli ka kumuni rawa kina e $2,800 me sa nodra cau kina kena vakaoti na vale ni Talatala ena Gau Secondary School.

Ena koro ko Sawaieke e tiko kina e rua nai vakananumi. E dua me baleta na cabe ni lotu ka tiko ena Vale ni Dri na matasawa sara ga e kele yani kina na waqa ni lotu, na kenai karua na kedra ivakananumi na Talatala Qase era sa lesi oti yani ka toka e mata ni valenilotu e loma ni koro.

 

Feedback:maikab@fijisun.com.fj



Got A News Tip


Get updates from the Fiji Sun, handpicked and delivered to your inbox.


By entering your email address you're giving us permission to send you news and offers. You can opt-out at any time.


WEET BIX
For All Fiji Sun Advertising
Fijisun E-edition
Subscribe-to-Newspaper