Sigararama

Yadravi Tiko Nai Valavala Vakavanua

E dua na itovo vakavanua ka vaka­tokai tiko na ‘cere’. Oqo e dua nai va­lavala ka dau vakayacori vua e dua na ka e vou. Na kena dau rekitaki ga e dua na ka vou koya oya e dau cer­evi. Oqo me vaka beka na ulumatua ni dua na vuvale, na teitei vou, na vale vou se na lori vou kei na so tale.
10 Sep 2022 17:04
Yadravi Tiko Nai Valavala Vakavanua
Era sa vakarau tu na marama mai Nasau, Koro, ena nodra lai cereva na teitei vou nei nodra i Vakatawa

E dua na itovo vakavanua ka vaka­tokai tiko na ‘cere’. Oqo e dua nai va­lavala ka dau vakayacori vua e dua na ka e vou. Na kena dau rekitaki ga e dua na ka vou koya oya e dau cer­evi. Oqo me vaka beka na ulumatua ni dua na vuvale, na teitei vou, na vale vou se na lori vou kei na so tale.

Oqo e dua na ivalavala vakavanua ka se vakabulabulataki tiko ena levu sara na vei koro vaka iTaukei.

Ia, mai na koro ko Nasau, era a va­kayacora na ‘cere’ ena i ka 18 ni siga ni vula ko Okosita.

 

Oqo ena nodra a cerevi na lai lau uvi ena matai ni nona iteitei nai Vakatawa vou ni koro.

Ni oti mai na laulau se na kena cuki vou nai teitei, e ratou sa qai cerevi na lai laulau.

 

E vakaraitaka ko Aporosa Kaunise­la e dua na lewenikoro, ni ratou a laki laulau na mataqali Lekutu, oqo ko iratou na Kai Veikau. E ratou a qai cerevi na Kai Veikau mai vei ira­tou na mataqali turaga.

Nai iyau ni cere e tukuna ko Kaunisela e wili kina na tabua se kamunaga, oqo na ulu ni iyau, isulu, voivoi, ibe, kei na iyau vakaviti tale eso kei na nodra cakacaka ni liga na marama e dau vakayagataki ena cere.

 

VAKAMATAVONU

 

Tukuna ko Kaunisela e dau laga na sere ena gauna esa oti mai kina na lau uvi. Oqo e dua na ivalavala era dau cakava na qase e liu ena kena dau lagati na vucu ni vanua.

Na vakamatavonu, oqo na lau uvi, na kena buke e vaka tu na daku ni vonu.

ss

Ko ira na turaga mai Nasau, Koro, ena kena lai lau na uvi nei nodra i Vakatawa

“Nai valavala oqo keimami se vak­abulabulataka tiko ga na itabagone ena gauna oqo ena koro ko Nasau.”

Esa yabaki 58 ko Kaunisela, e kaya na veika era vakayacora tiko qo era se raica mai vei ira na tamadra kei na qase e liu.

Tukuna ko Kaunisela na ‘cere’ e gaunisala ni kena vakaqaqacotaki tiko ga kina na veiwekani.

Era vakasigalevu vata na lewe ni koro ko Nasau mai Koro, ni oti mai na lau uvi nei nodra i Vakatawa.

Era vakasigalevu vata na lewe ni koro ko Nasau mai Koro, ni oti mai na lau uvi nei nodra i Vakatawa.

NA BOSE VANUA

Na Bose Vanua e tukuna ko Kaunisela ni dau veitalanoa ka veiwaseitaki kina vakalevu nai itovo kei na valavala vakavanua ka dodonu me ra dau vakayacora tiko ena veigauna kece.

Tomana ka kaya ni oqo na vuna e se bula tiko kina itovo ni vei­vakamenemenei mai Nasau.

E kaya ena gauna bolebole eda lako curuma tiko nikua, esa do­donu kina na kena matanataki se vakadewataki sobu tiko ga vei ira na gone nai valavala kei na itovo dina vaka iTaukei me na muri tiko.

“E dua na ka bibi na noda yadray­adravaki. E bibi na noda ivakarau na iTaukei kei na veika eda dau vakamenemenea tu mai o ira na noda qase.

“E dodonu meda teiteivaki tiko mada iliu vei ira na luveda. Na vei­ka kece e tekivu mai Jerusalemi.”

NAI VAKATAWA

Oqo nai matai ni nona yabaki o nai Vakatawa mai Nasau, ka matai talega ni nona were me caka.

Tukuna ko Kaunisela ni a sega ni namaka o nodra i Vakatawa na ito­vo vakavanua ea vakayacori oqo.

“E luluvu ni raica na veika e vakayacori ni se qai raica talega vakadua.”

E matalau ni da sarava nai vaka­rau vakavanua oqo ni ra se maro­roya ka vakamareqeta vinaka tu.

E kaya ni levu mai na veiyasana era gole ki Nasau, era dau lai qoro­qoro ena veika era sarava ena gau­na e dau vakayacori kina na ‘cere’.

Ni sa oti kece mai na cere, era sa qai mai kana vata kei ira na lai lau uvi mai.

Feedback: inoke.rabonu@fijisun.com.fj



Advertise with us


Get updates from the Fiji Sun, handpicked and delivered to your inbox.


By entering your email address you're giving us permission to send you news and offers. You can opt-out at any time.


Subscribe-to-Newspaper