E vaka na tadra vei Sainimere Kasawaqa na nona sa mai taura nona ivola ni dikonesi ena siga Vukelulu ni macawa qo.

Cavutu mai ena koro ko Vouwa, Cuvu mai Nadroga e vakavinavi­nakataka na Kalou ko Sainimere na nona dau rogo masu me rawa vina­ka na nona sasaga.

Esa yabaki 30, ka kaya ena tagi ni sega ni rawarawa na veika e lako cu­ruma mai. E susugi mai ena vuvale lotu, ka kaya ni leqa e sota kaya voli mai, e kila duadua ga na Kalou.

A via lai cakacaka ena waqavuka ko Sainimere, qai sega ni yaco me vaka kina. E kaya ni a qai cakacaka voli ena dua na otela ni saravanua, ka’a mani lomana sara ena dua na siga me vakatovolea na vuli diko­nesi.

“E lako saraga mai vuni yaloqu na noqu vakatovolea, ia qai mani yaco dina.”

E kaya ni tekivu ni yabaki nona vuli dikonesi, e dau beci koya, bale­ta nia sega soti sara ni kila vakalevu nai volatabu kei na vuli ni lotu.

“Ia au sa dau masulaka ena veisiga me vukei au tiko ga na Kalou meu rawata na noqu sasaga. Au dau tukuna lo e lomaqu meu vakaukau­wa tiko ga meu na rawata na noqu vuli.”

E kaya ni tagi ni vakananuma lesu na dredre e lako curuma mai ena loma ni tolu na yabaki. Na dredre oqo e kaya ni levu sara kina na veitemaki vakailala.

E kaya na veitokoni mai vale e taucoko mai enai matai ni siga, ka vakavinavinakataki ira kece sara ni sa mai rawa na nona sasaga.

Story By: lusiana.tuimaisala@fijisun.com.fj