Siga Rarama

O Suva Makawa

A tolu na luvedrau Ratu Avorosa kei Adi Kelera. Eratou a mate kece vakabalabala na lewe tolu qo, sa cava tale ga kina na kawa vaka Tui Suva.
27 Nov 2022 19:56
O Suva Makawa
Mai na delana ko Tamavua eda raica rawa yani na toba kei Suva ena gauna oqo. Veitaba: Leon Lord

A tolu na luvedrau Ratu Avorosa kei Adi Kelera. Eratou a mate kece vakabalabala na lewe tolu qo, sa cava tale ga kina na kawa vaka Tui Suva.

Na nodra lai veisolevuti qo era kau tabua tale mai kina, kei na rua na katudrau.

Qo e rairai se qai matai ni masi me laurai e Suva, mai yaga sara, me vaka ni’ra sega ni dau vakai­sulu vinaka sara tu e liu, era dau vakamalo tu ga na tagane ena kuli ni mako, na yalewa e vivi ga e ga­udra na wa sala qai ciqimaki e liu na drauniwalai.

Ena gauna ni soqo e dau biu na drauniwalai, e kena isosomi na co duiroka, ra qai vakaitekiteki, ra vakasalusalu, sa o koya sara ga oya na nodra isulu ni soqo.

Ni sa vakavuai oti o Rewa ena 1846, era sa qai tiko sautu tale, ra sa veisukayaki tale na kai Veisari, Lami kei Tamavua kina nodra dui koro.

Ni sa visa oti o Rewa, bale tale ga kina o Ro Banuve na Rokotui Dreketi kei na lewe va na drau, sa qai dro o Qaraniqio, o koya sara ga a tekivuna na ivalu, a meca levu kei Bau me yacova nona mate. A dro mada i Vuniveilakau ena wai o Samabula, nodra koro na kai Lomaivuna, qai dewa yani i Coloi­suva.

Thank you for reading this article, to access more information and details on this, please subscribe to our E-Edition by clicking on this link– https://eedition.fijisun.com.fj/subscriptionplans

Feedback: lusiana.tuimaisala@fijisun.com.fj



Got A News Tip


Get updates from the Fiji Sun, handpicked and delivered to your inbox.


By entering your email address you're giving us permission to send you news and offers. You can opt-out at any time.


WEET BIX
For All Fiji Sun Advertising
Fijisun E-edition
Subscribe-to-Newspaper