Dolavi Na Vakatatabu Ni Oti E Vitu Na Vula
Era vakaraitaka na nodra marau kei na vakavinavinaka na Momo Levu na Tui Vuda, ko Ratu Eparama Kitione Tavaiqia, vei ira na lewe ni Tikina o Vuda ena nodra dinata, rokova ka duavata ena vakatatabu ka sa mai cava ena i matai ni siga ni vula ko Janueri.
Na vakatatabu oqo era vakaitavi kina ko ira na yabaki 45 lako sobu, ena kena vakatabui me gunuvi na yaqona ni Viti, yaqona ni valagi kei na vakatavako. A tekivu mai na vakatatabu oqo ena i matai ni siga vula ko Jiune, 2022 ka sa mai cava ena i matai ni siga ni vula ko Janueri, 2023.
Na soqo vakavanua ni marau kei na vakavinavinaka ni sa mai cava vinaka na vakatatabu ea vakayacori ena koro vakaturaga ko Viseisei ena siga Tusiti.
A dolavi na soqo oqo ena dua na lotu ni bera ni vakayacori na veiqaravi vakavanua vua na Tui Vuda, kei na veivakamarautaki ena meke vakaviti mai vei ira na lewenikoro.
To read more, click on this link to access the full article and details: https://eedition.fijisun.com.fj/subscriptionplans
Feedback: lusiana.tuimaisala@fijisun.com.fj
