Ena i ka 21 ni siga ni vula oqo ko Veverueri, ena marautaki ka vakananumi tiko kina na Siga ni Vosa ni Vanua e Vuravura se na ‘International Mother Lan­guage Day’.

Vei keda e Viti, eda na marautaka tiko na siga oqo ena Thurston Gar­den e Suva, ka vaka kina ena Fiji Museum.

O Viti e kilai tani e vuravura me matanitu se vanua veicurumaki (multicultural), baleta eda sa mai bula vata kei ira so na dui mata tamata tale eso. Oqo me vaka taki ira na wekada na Idia, vavalagi, Ko­rea, Jaina, kei na so tale.

Na bula veimaliwai oqo e vuna kina meda sa veikilai vosavosa, ka vaka kina era sa kila vinaka talega na noda vosa na kawa iTaukei.

Ia, se kawa tamata cava ga eda sa mai bula vata voli, se vanua cava ga e vuravura eda tiko kina, esa do­donu meda na dokadokai keda ka meda na cibitaka tiko na noda vosa. Ena yasana e 14 ena noda vanua e duidui na vosa era vosataka, ia era na dau vakatakilai ira ga ena nodra vakabula se veitalanoa.

To read more, click on this link to access the full article and details: https://eedition.fijisun.com.fj/subscriptionplans

Feedback: ray@fijisun.com.fj