Era marautaka na iliuliu ni Ma­tanitu na Paraiminisita ko Siti­veni Rabuka na cavuikalawa esa lalawa ka tiko kina na Minisitiri ni Tabacakacaka iTaukei.

E dua na itekivu vou kina loma ni Matavuvale ni Tabacakacaka iTaukei na kena mai qaravi e dua na veitalanoa kei na iliuliu ni Ma­tanitu ena siga tusiti na i ka 7 ni Veverueri, 2023.

Era maliwai ira nai Vukevuke ni liuliu ni Matanitu ko Manoa Kami­kamica, na Minisita ni Tabacaka­caka iTaukei ko Ifereimi Vasu, nai Vukevuke ni Minisita Isikeli Tui­wailevu kei ira na Vunilewa ni Mat­avuvale ni Tabacakacaka iTaukei kei na Fijian Holdings.

Na lalawa ka e sasaga kina na Ta­bacakacaka iTaukei, e vakatabak­idua ena vakatorocaketaki kei na tiko vinaka ni lewe ni vanua tau­coko vakabibi na kawa iTaukei.

E dua na sala me rawati kina na tatadra qo oya na vakacici bisinisi me rawa iyau mai na veiyaubula era taukena na iTaukei me vaka na qele, veikau kei na kena wasawasa.

E bibi mera okati na iTaukei ena vakatorocaketaki ni nodra yaubula ka kena ilutua na nodra cakacaka­vata vakaveivolekati kei na veita­bana ena Tabacakacaka iTaukei ka vaka kina na Fijian Holdings.

Era veivakararamataki ena itu­vatuva oqo na Vunilewa ni Mata­bose ni Lavo Maroroi iTaukei Trust Fund Board – TTFB o Aisake Taito ena vaqaqacotaki ni veisemati ni Matanitu kei na Tabacakacaka iTaukei me rawa dua na vanua eda vakanamata kina.

E kuria ni cavuikalawa qo, e sagai me vakayagataki vinaka na noda iyaubula me ivurevure ni lavo vei keda vakabibi na noda vakaitavi ena buturara ni bisinisi.

E rawa nida qarava vata se sole­vaka, esa tu vakarau kina na Mata­bose ni Lavo Maroroi, Matabose ni Qele Maroroi, Fijian Holdings ena yadravi ni tuvatuva qo me na kauti keda yani ena va na yabaki eda va­karau curuma yani me rawati na bula sautu, tiko vinaka vakauasivi na bula torocake ni kawa iTaukei.

Era kuria na Vunilewa ni Fijian Holdings, Jaoji Koroi ni tiko e so na ituvatuva me muri me rawati kina na ituvatuva ni solesolevaki:

nna kena sevutaka na matanitu na ituvatuva ni MSME

nna veitokoni ni Matanitu ena qaravi ni ituvatuva qo

nnodra vakauqeti na taukei ni qele ena veivakatorocaketaki me semati kei na nodra iyaubula

nvakaitavi ni Kawa iTaukei ena toroicake ni noda rawaka vakailavo

nwasei vakatautauvata ni noda iyau

ntaraicake na noda tiko vinaka vakabibi vei ira na vakatawa de­laniyavu.

IVUREVURE NI TUKUTUKU: NA MINISITIRI NI TABACAKACAKA ITAUKEI