Na noda itakitaki ena ma­cawa oqo e dua na mataqali kakana se na vakalomavi­naka.

E levu na vanua era vakatoka me yacana na lote, ka so tale na vanua era vakatoka me voreti ni Viti.

Na vakalomavinaka oqo e dau va­kayagataki ni oti na vakasigalevu me sala muria na ivaqa ena draki katakata.

E lewe levu na gonevuli era dau taleitaka mera dau kania talega me ikatalau ni bera ni ra gole yani ki koronivuli.

NA VEIKA E VAKAYAGATAKI KINA

-½ na bilo suka

-1 na bilo tavioka yaca

-4 na bilo wai

-1 na bilo vudi dreu (Me mu­sumusu vakalalai na vudi ka vakasaqari rawa, ka natu me rawa ni malumu)

-1 na bilo papukeni (Me mu­sumusu vakalalai na papukeni, vakasaqari rawa, ka natu me rawa ni malumu)

-1 na bilo lolo (Me kari vakama­tailalai na niu, ka tavu ena vatu katakata. Vuloni ka vakadewa kina dua na bilo na kena lolo)

NA KENA I CAKACAKA

-Tokara ena dua na kuro na wai.

-Ni sa kerekere na wai, sovara yani e loma ni kuro na tavioka kei na suka, ka ulia vakavinaka

-Sovara toka kina vakalailai na lolo

-Ulia tiko na veika sa tiko ena loma ni kuro me kakua ni kabi na tavioka ena boto ni kuro

-Ni sa oti e 4 kina 5 na miniti, sovara yani e loma ni kuro na vudi kei na papukeni ka ulia vakavina­ka me ra veicurumaki

-Ni sa oti e 3 kina 4 na miniti, ulia tiko na veika e tiko ena loma ni kuro oqo ka sovara yani e cake na vo ni lolo.

-Ni sa buta, waraka me vakalili­wa vakalailai ni bera ni taqei yani me vakayagataki ena ibe ni kana sa vakarautaki tu.

Ke sega na niu, e rawa ni veisosomitaki kei na sucu. E rawa talega ni veisosomitaki na vuata e tiko ena icakacaka ni kakana oqo kei na so tale na vuata dreu me vaka na jaina me rawa ni vakami­kamicataka na kena ikanakana na vakalomavinaka oqo.

Kevaka eso na kila ni cakacaka ni kakana vaka Viti e tiko vei kemuni, ni vakauta mai na nomuni italanoa me rawa ni’da veiwaseitaka vata.

Story By: Rayape Karavaki

Feedback: ray@fijisun.com.fj