Oi keda na kawa iTaukei, e dua na gacagaca ni veiqaravi vakavanua sai koya na kena dau meketaki na yaqona vakaturaga.

E dau vakayacori oqo ena vuqa na veisoqo levu, me vaka na soqo ni vakasenuqanuqa, solevu, tadu mai dua na turaga ena nona dela ni soso, kei na so tale na veisoqo ni ma­rau.

E sega ni dau vakayagataki vaka veitalia na meke ni yaqona. Ia, kevaka e gadrevi me qaravi na meke ena kerei taumada na nodra veivakadonui na turaga ni vanua se o ira era bulia na meke ni yaqona. Ena so na vanua era dau sega ni meketaka na yaqona.

Na meke ni yaqona vakaturaga e dau qar­avi ena vakanomodi, tabu kina na tucake vakaveitalia kei na vakasosa. Ni vakaya­cori na meke ni yaqona e dau tiko o ira era qarava na yaqona ka tiko o ira era qarava na meke ni yaqona.

Na meke ni yaqona e vakavotui kina e levu na veika me baleti keda na iTaukei. E tu vata na sau kei na mana ni veiqaravi. Na kena maroroi vinaka tu na noda itovo vaka Viti era sa yali yani e rawa ni dua na kena yaga. Oqo e dua na bolebole levu vei keda ni so eda bula vata kaya era sa yali tu ena nodra itovo. Na meke ni yaqona vakaturaga e maroroya tale ga na italanoa e liu me bale­ta na noda vanua, qele, uciwai, veiwekani, kei na keda kakana.

Ena so na gauna na vakanomodi ni veiqar­avi vakavanua e rawa ni semati keda lesu ena nodra vakarokoroko na noda qase ena gauna e liu.

E dau bibi na meke ni yaqona ni ka oqo e noda itovo ka yaga kina na noda va­karokoroko ena kena rokovi na meke. Ena gauna ni meke e gadreva na ligavata na kena lagati na sere ni meke kei na kena me­ketaki na yaqona. Na kena lagati na meke ni yaqona e tiko koya e lagalaga, tiko koya e tagica na sere, kena vo era sa qai dui taura ga mai na domodra. Ena gauna ni veiqaravi eda sa dui kila na noda itavi me tekivu vei iratou na batini tanoa, iratou na sere kei koya na meketaka na yaqona vakaturaga.

Oqo na bula ni veivakamenemenei kei na noda maroroya tiko na noda itovo kei na va­lavala vakavanua.

To read more, click on this link to access the full article and details: https://eedition.fijisun.com.fj/subscriptionplans

Story By: aselemo.tabuakacivi@fijisun.com.fj