Nanamaki O Tailevu
Esa tu vakarau ka nanamaki tu na yasana vakaturaga o Tailevu me na qarava na isevu ni gauna me vakayacori tale kina na Bose Levu Vakaturaga (BLV) ni oti e 16 na yabaki.
Na bose oqo ena vakayacori ena yanuyanu turaga mai Bau.
Ena siga Tusiti ni macawa oqo era bose kina na turaga ena loma ni 22 na Tikina mai Tailevu ka ra veitalanoataka kina na kena qaravi na bose oqo me vaka ni tolu na siga na kena vakayacori.
Ena vula sa oti a veivakadeitaki mai na Matanitu Cokovata ni na rua tiko na siga ni bose ena i ka 22 kina 23 ni siga ni vula ko Me.
Esa vakadeitaka mai na gusu ni vosa ni Vunivalu mai Bau ko Aisea Komaitai, ni ra sa namaka tiko ni sivia na udolu na lewenivanua era na tiko rawa ena kena dolavi na Bose Levu Vakaturaga ena i ka 23 ni siga ni vula ko Me.
To read more, click on this link to access the full article and details: https://eedition.fijisun.com.fj/subscriptionplans
Story by: aselemo.tabuakacivi@fijisun.com.fj
