Cabeti E Dua Na I Sausauvou
Ena macawa oqo eda sarava tiko kina na nodratou taurivola mai na matanitu levu o Ositerelia e vica na noda gone ena tabana ni boko buka, ka ra vakarogoi Viti kina.
O iratou na lewe ciwa oqo e ratou a gole vakacakacaka ena ruku ni Pacific Australia Labour Mobility (PALM) scheme ena vula ko Veverueri ni 2022.
E dua na yabaki vula tolu na dede ni nodra vuli, ka’ra isevu ni gone ni Viti mera lai cakacaka ena tabana oqo. Ni qai wilika na veitarotarogi kei Jona Ovini na Peresitedi ni gone ni Viti era vakaitikotiko mai Swan Hill, Vikitoria mai Ositerelia.
NI VAKAMACALATAKA MADA NA NOMUDOU SA LEWENA NA CAKACAKA VAKA DAU BOKO BUKA (FIREMEN) KA DOU TAURIVOLA KINA ENA MACAWA OQO?
Na vuli mai caka oqo a tekivu mai me volunteer, sa ma ni vakadonuya o ratou nai lawalawa me ratou sa vuli me ratou dau ni boko buka (ratou a volunteer mai liu ia qo ratou sa (certified fire fighters).
Sa nodratou gagadre tikoga mai na gone me ratou mai vuli e na vuli ni dau boko buka.
NA CAVA NA VUNA O DOU LAI LEWENA KINA? NI VAKAMACALA MADA KINA.
Se bera ni ratou gole mai e ratou mai lewena na Country Fire Authority (CFA) i Ositerelia baleta na veimaliwai kei na soqosoqo ni gone ni Viti kea e sema veivolekati saraga kei iratou na tabani ni fire, ovisa,council kei na so tale na tabana ni cakacaka ka ra veivuke sara kina vakalevu e na gauna ni leqa tubukoso ka ra sa semati ira sara tiko kina na veiwekani ya.
E VAKA E VEI NA VULICA NA CAKACAKA OQO, E RAWARAWA?
Vakabauta ni kama yaco tiko e Ositerelia e duidui vakalevu vata kei na kama ka yaco tiko mai e viti vakabibi ni dau yaco na kama ni veikau ka raw a ni terega e levu na vanua na kama ka rawa ni tara tu vakavula se yabaki na balavu ni gauna yaco tu kina na kama ka rawa ni tara saraga e dua na i wase levu ni tamata e gadrevi me tarovi kina na kama o ya. E vaka talega kina na kacabote ni vanua ni kelikeli (mines) se waitui na tasova ni waiwai.
Ko ya na i vakarau ni vuli e na via duatani toka mai vakalailai mai vei koya dau yaco tu mai Viti, ia e levu talega na veimataqali tereni keimami dau vulica i ke, gauna sa na mai kumuni vata kina o sa na kila toka nai walewale se sala e rawa ni tarovi rawa kina na kama.
O NI A NAMAKA TIKO MO NI LAI VAKAIVOLA ENA CAKACAKA OQO?
Io, sa nodratou i tuvatuva tikoga mai na gauna ratou sebera ni gole mai kina.
E na gauna oqo ratou na lewe ciwa ya ratou sa vaka i vola saraga (certified firefighters), ia ratou na gauna qo ratou cakacaka tiko ve na NEC e na dua na vale ni bulumakau e ke, ratou dau cakacaka mai na moniti kina vakaraubuka qai lima ni kaloko ni vakaraubuka ratou sa tu vakarau sara tu ga e na vuku ni so na leqa tubu koso me vaka na coqa, kama, waluvu. Mai na Vakarauwai kei na Sigatabu sa nodratou siga kece tikoga ni cakacaka vaka dau bokobuka.
To read more, click on this link to access the full article and details: https://eedition.fijisun.com.fj/subscriptionplans
Story By: salaseini.guniyaga@fijisun.com
