Siga Vou

Marautaki Na Veivuke Ni Matanitu

Era marautaka tiko e Motoriki na veivuke levu e vakayacora na matanitu ena kena vakailavotaka na kena vakadrodroi yani na wai savasava kina veikoro ena yanuyanu.
26 Sep 2021 12:31

Na gusu ni vosa ni yanuyanu o Sak­easi Karavanua e tukuna kina Siga Rarama ni solia na matanitu e $3.2 na milioni ka nodra itavi walega na tamata cakacaka.

E tukuna ni so ni wai e Motoriki e tiko sara mai Bureta, Ovalau.

“E a lako e dua na ilakolako vaka­vanua ki Bureta me la’ki kerei mai kina na wai,” e tukuna ko Karava­nua.

Na turaga mai Bureta ko Ratu Joni Davila e vakadeitaka na ilakolako vakavanua oqo ka tukuna ni a so­lia na veivakadonui ka wili kina na nodra kelikeli ena qele vaka-Bureta kei na kena takosotaki na wai ena paipo ena loma ni nodra iqoliqoli.

Na kelikeli e tukuna ko Karavanua ni sa yaco ki Wainiyaloka na nodra koro na kai Solomoni.

E tukuna ni kabani na Dive Centre Fiji Limited ena qai vakadavora na paipo e loma ni wai me yaco ki Mo­toriki.

Ena yanuyanu ko Motoriki e tukuna ni ra sa cakacakataka tiko e rua na tani lelevu ena delana cere e Nasesara, me rau na dui tawana e 10,000 na lita na wai ni sa bera na kena veisoliyaki kina veikoro ena yanuyanu.

E tukuna ko Karanavanua ni ko ira na qase e liu era a sega ni vakaliuca na wai.

Na gaunisala sa wavokita na yanuyanu ia sa tubua tale ni sega tu ni vakayagataki.

“Oqo era a vakaliuca na qase e liu kara sasagataka ia ni sa ta oti sa qai sega tu ni mai vakayagataki ni sega na lori e Motoriki.”

Kemami na itaba ena gauna oqo e tukuna ni ra vakaliuca na wai ka ra kerekere kina matanitu ka solia mai na kena ilavo.

Sa qaravi kece na kena cakacaka vakavanua ka sa oti na kelikeli mai Bureta me yaco ki Wainiyaloka, ka sa qai vo na kena vakadavori na paipo e loma ni wai me yaco ki Nas­esara.

Era marautaka ni nodra sasaga e tiko ena ituvatuva ni matanitu me qai 2031 sa na vakadrodroi na wai kina veivanua e sega kina ka mera gunuva talega na wai savasava.

E 11 taucoko na koro e Motoriki ka wili kina o Niubasaga, Nasesara, Navuti, Nasauvuki, Naicabecabe, Yanuca, Daku, Uluibau, Sovuna, Wawa kei Nasauraki.

Mai liu me yacova mai nikua e tukuna o Karavanua ni ra bula tu ga mai na wai ni uca, ka dau levu na mate ni wai e dau tauvi ira



Fijisun Ad Space


Get updates from the Fiji Sun, handpicked and delivered to your inbox.


By entering your email address you're giving us permission to send you news and offers. You can opt-out at any time.


Tower Insurance
Advertise here
Covid 19 - SPC
Fiji Sun Instagram
Subscribe-to-Newspaper