Me Teivaki Vakalevu na Koko

E na gauna nikua, esa kunekunei dredre me da raici ira e so na wekada me ra teivaka na itei oqo na koko (cocoa).

Oqo na veika e vakaraitaka ko Sefanaia Nakidakida na mata mai vei ira na dau teitei e Koronivia e na kena vakaraitaki tiko na siga ni dau teitei kei na susu manumanu (Agriculture show) e na rara mai Valelevu, Nasinu, e na loma ni macawa oqo.

Vakaraitaka ni 82 taucoko na itei ni koko ka maroroi tiko e na nodra vanua ni vakadidike, mai vei ira oya e sa qai digitaki mai e 16 ga na mataqali, ka laurai ni bulabula vinaka ka na vuavuai talega.

Tomana ni dua na dredre levu e ra sotava tiko oya na kena vakalesui tale vei ira na dau teitei na itei ni koko me ra teivaka.

E vakaraitaka ni gauna oqo e ra sa sega ni raica na makete ko toso cake, ia e ra sa taketetaka ga na fun flavor market kei na so tale ka’ra sa vakarautaka talega kei na kena itei, kei na veimataqali koko ka ganita talega na kena makete.

“Me vaka ni da vanua lailai e na ganiti keda ga me da teivaka na koko me vaka ni levu na ka e na solia lesu vei keda.“

E kaya ni koko eda teivaka ruarua na turaga kei ira na marama.

E kaya ni kevaka e teivaki na sore ni koko e na taura tiko e tolu kina lima na yabaki me me matua vinaka.

E tiko talega e dua na kena mataqali ko sema na tabana, ia qo e na taura e rua na yabaki me sa tekivu vua kina.

Nikua e sa volitaki tiko na koko e na $10 dua na binibini me veidutaitaki vata e na gauna iliu ka rawa ni kena isau toka e 30 na sede.

Vakaraitaka ni sa nodra rai tiko na Tabana ni Teitei me na vakabulabulataki tale na kena teivaki na koko e na noda vanua.

Veivakasalataki ko Sefanaia vei ira na dau teitei me ra tovolea tale mada na itei oqo me vaka ni kena isau sa toso cake na kena i sau.

Vakatataro: salaseini.guniyaga@fijisun.com.fj