Dolavi nai Drodro Vou

E dua na gauna balavu a tekivutaki mai na kina na kena sagai me tara e dua na vale ni soqo ka me idrodro talega ena gauna ni draki ca vei ira na lewenikoro mai Vuci,Tailevu.

Oqo na veika e vakaraitaka ko Joji Butadroka na liuliu ni veivakatoroicaketaki e na koro ko Vuci.

A vosa tiko ko Joji ni oti na nona dolava nai liuliu ni Matanitu ko Sitiveni Rabuka na nodra i drodro vou e na siga ni bose ni yasana ka vakayacori mai Vuci e na siga vukelulu ni macawa oqo.

E ra veivuketaka tikoga na kena soli mai na gauna oya ka qai mai cegu tu vakalailai e na yabaki 2009 ka tomani tale e na 2012.

E na yabaki sa oti a qai veivuke na matanitu e na ruku ni ‘village improvement scheme’ ka veivuke e na kena vakaoti na cakacaka ni kena sagai me tara na vale ni soqo oqo.

Na isau vakailavo taucoko e tiko e na $790,000.

Vakaraitaka ni vale oqo e sa rawa ni vukei ira na lewenivanua e na nodra vakaruru kina me vaka ni ra tiko volekata na veiuciwai lalai ka dau tubu wasoma.

E kaya ko Joji na vale vou oqo e rawa ni ra vakaruru kece kina na lewenikoro.

E kaya ni koro ko Vuci e lewena tiko e 67 na matavuvale ka voleka tiko ni 300 nai wiliwili ni lewe ni koro.

“E liu, ni dau gauna ni cagilaba se draki ca, keimami a dau laki vakaruru e na vale nei vakatawa, vale ni lotu ka vaka kina ko ira na vale era duri balavu e na lomanikoro, ia ni sa tiko na vale ni soqo oqo sa dua na ka na neimami marautaka”.

Tomana ni tiko talega e na loma ni vale ni soqo oqo na vanua me ra vakarurugi kina o ira e sega na sega ni tuvaki vinaka na yagodra.

Vakaraitaka ni tiko talega e loma na valeniwai (dispensary), nodra rumu na itabagone (youth resource centre) kei na nodra rumu na marama (women resource centre) ka dau maroroi kece tu kina na veika me baleti ira.

E mai sevutaka na bose ni yasana na vale ni soqo me qaravi kina na bose, ka’ra sa vakanuinui tu ni na levu vei ira na lewenivanua e ra na sauma na vale ni soqo me qaravi kina e so na vuli vakaoya.

Feedback: salaseini.guniyaga@fijisun.com.fj