‘Era Na Sega Ni Guilecavi Na Itaukei Ni Qele’
E veisiko voli tiko mai ena vualiku na Minisita ni Qoliqoli kei na Veikau ko Kalaveti Ravu.
Saturday 11 February 2023 | 12:00
E rau dabe tiko oqori nai Vukevuke ni Minisita ni Veika Vakaitaukei ko Ratu Isikeli Tuiwailevu, na Minisita ni Qoliqoli kei na Veikau ko Kalaveti Ravu, ni oti na veitalanoa kei ira na iTaukei ni qele ni paini mai Bua ena macawa oqo.Veitaba: Minisitiri ni Tabacakacaka iTaukei
E veisiko voli tiko mai ena vualiku na Minisita ni Qoliqoli kei na Veikau ko Kalaveti Ravu.
Oqo ena kena sagai me vakaqaqacotaki tiko na veiwekani ni Minisitiri kei ira na lewenivanua.
Ea veitalanoa ko Ravu kei ira na iTaukei ni qele ni paini mai Bua ena Naulumatua House mai Nabouwalu ena siga Vukelulu, ka vakadreta kivei ira ni na cakacaka vakaukauwa na Minisitiri kei ira na veitabana tale eso ena dua na ituvatuva ni toso iliu ena kena sagai me wali na nodra rarawa se na kudru.
Related stories
E sivia na 50 na itaukei ni qele mai na vitu na tikina ena yasana o Bua era tiko ena veitalanoa oqo, ka ra vakaraitaka kece vua na Minisita na nodra kauwai kei na veika era sotava tiko me baleta na lisi ni paini ena nodra qele vakamataqali.
Ena veitalanoa oqo a tiko talega kina na Vukevuke ni Minisita ni Veika Vakaitaukei ko Ratu Isikeli Tuiwailevu, ka vaka kina eso nai vakalesilesi mai na Tabana ni Veikau kei na iTaukei Land Trust Board (iTLTB).
IVUREVURE NI TUKUTUKU:NA MINISITIRI NI TABACAKACAKA ITAUKEI
