Jiune Vakatokai me Vula i Werewere

E da sa yacova tale mai oqo na veimama ni vula e na loma ni yabaki, sai koya na vula ko Jiune.

Na vula oqo era dau vakatoka na noda qase me Vula i Werewere.

Era vakabauta na qase ni oqo na vula me dau wereci kina na kakana ena were, ka dau tawa nai qoliqoli.

Na vanua e ka bibi vei keda na itaukei ka sema talega ni noda veiwekani mai na gauna makawa ki na gauna oqo ka vakakina vei ira na noda kawa mai muri.

Na vanua e vakabalebaletaki e na qele, ia e ra sema talega kina kau, manumanu, uciwai,ulunivanua kei na vanua ni qoliqoli.

E dau tekivu me vakilai na draki batabata ka dau tau vakagauna na uca. E dau lutu na tegu,cevata na waiwai ka dau cevaceva na gusu

E NA I TEITEI

-E dau vula ni werewere e na iteiei;

-E dau oti na keli uvi;

-E dau tei tiko na uvi taumada;

-E dau matua na kawai;

-E dau se tiko na duruka kei na vico;

-E dau uro na ugavule ka’ra dau buluti ira e na nuku me ra kua ni coi ni kawai.

E WAITUI

-E dau caka na qoli, ka katoa na lawa;

-E dau gauna ni daniva kei na matu;

-E dau kune talega na tovuto.

Vakatataro: salaseini.guniyaga@fijisun.com.fj