Era vulica tiko oqori na teivaki ni mushroom nai soqosoqo vakamarama na Nadawa Methodist Womens Fellowship mai vei iratou na China – Fiji Juncao Tehnology Demonstration.
Na mushroom e dua nai tei bula totolo ka rawa ni’da rawa ilavo totolo talega kina.
Oqo na veika e vakaraitaka ko Nanise Litea nai liuliu ni soqosoqo vakamarama na Nadawa Methodist Womens Fellowship.
Na isoqosoqo oqo a tauyavtaka mai o ira na qase era sa yali yani, ka sa vakabulabulataki tale.
Related stories
E vakaraitaka ko Nanise ni ra lewe 64 na iwiliwili ni marama e ra lewena tiko na isoqosoqo oqo, ia e vica ga vei ira e ra vakaitavi e na kena teivaki na mushroom
E yabaki 30 vakacaca na nona tiko voli e Nadawa, ka sa rua na yabaki oqo na nona liutaka tiko mai na soqosoqo.
Na kena qai mai basika na itei qo na mushroom e vu mai e na dua na ivakaraitaki cakacaka ni liga e vakayacori e na nodra valenilotu e na vula tolu sa oti me vaka ni dua vei ira na leweni soqosoqo e biuta cake kina mona livaliva ka qai mani raica kina na Minisita ni Marama ko Lynda Tabuya na nodra sasaga.
E na macawa tarava a gole yani na minisita me laki veivakararamataki e na veika me baleta na soqosoqo ni marama ka’ra ma ni gole tale tikoga mai kina na China – Fiji Juncao Tehnology Demonstration me ra mai qarava na vuli ni kena teivaki na mushroom.
E ratou vakaraitaka tiko oqori na vakalesilesi mai na China – Fiji Juncao Tehnology Demonstration na kena vakasaqari na mushroom.
E vakaraitaka ni ilavo vinaka e ra rawata mai kina, ka sa veivuke vakalevu e na nodratou isoqosoqo, ia e ra sa na saga tiko na makete e na gauna oqo me ra volitaka kina na nodra ivoli.
Vakaraitaka ni sega walega ni da vakagolei keda kina cakacaka ni liga, ia e tiko tale e so na teitei kei na so na veika lailai vakaoqo me da vakayagataka vinaka sara ka rawa ni rawaka talega kina noda vuvale.
E na gauna oqo e ra vakaraica tiko mada na itei ni mushroom ia e ra sa raica tiko na kena vinaka ka sa tiko na ituvatuva me ra vakatetea yani ka me rabalevu na nodra teitei.
Veivakasalataki ko Nanise vei ira na marama me ra lewena na soqosoqo ni marama e na noda vanua me ra kauta kina na nodra veicakacaka ni liga e so ka vakakina me ra teivaka eso na kakana draudrau ka totolo kina na nodra rawa ilavo.
Vakatataro: salaseini.guniyaga@fijisun.com.fj
