Na Baseisei - Na Kakana Ka Caka Mai Na Ba Ni Dalo

Na baseisei e dua na icoi ni kakana ka caka mai na ba ni dalo. Oqo e dau voci ka seisei vakalalai me vakasaqari, ka qai dau sala vata kei na veika tale eso e dau vakayagataki kina.

Ena macawa oqo, eda na wilika na kena icakacaka ena sala vata toka kei na miti me i coi ni vakasigalevu ena draki tunumaka.

Me da wilika ka veiwaseitaka sara yani na kena i cakacaka oqo.

VEIKA E VAKAYAGATAKI KINA

-6 na ba ni dalo

-2 na itaki sevuni na moli

- 1 na bilo lolo (kari vakamataila­lai e 1 na vua ni niu ka loba vaka­sosoko na kena lolo)

- ½ na varasa

- 4 na bilo wai

- 1 na tini ika se 1 na tini tuna

KENA I CAKACAKA

- Me voci vakavinaka na ba ni dalo

- Musumusu na ba me veirauti na kena balavu

- Me seisei vakalalai na ba. E dua na ba e rawa ni sei vaka 4.

- Tokara na kuro wai ena mat­adravu

-Ni sa buebue vinaka na wai, biuta yani kina na ba seisei

- Veivukiyaka vakavinaka me rawa ni buta vinaka kece na tutuna

-Ni oti e 2 na miniti, vueta na ba kina dua na beseni wai batabata

- Vakadewataka na ba kina dua na boulu sa vakarautaki tu

-Tuvana yani e cake na tuna, varasa, moli ka vakamiraka yani kina na masima

-Wakia vata mera veicurumaki vinaka

- Sovara yani e delana na miti

Sa vakarau sara tuga oqo na ba­seisei vaka miti.

Me qai taqei ena veleti ka tuvani ena dela ni ibe ni kana esa vaka­rautaki tu.

Kevaka eso na kila ni cakacaka ni kakana vaka Viti e tiko vei kemuni, ni vakauta mai na nomuni italanoa me rawa ni’da veiwaseitaka vata.

Feedback: ray@fijisun.com.fj