Sa Mai Takali Nai Liuliu ni Fiji Sun Kei Na Siga Rarama

E solega tiko na o loaloa na kabana na Fiji Sun kei na Siga Rarama ena nona sa mai leqa nai liuliu ni kabani o Peter Lomas.

E a leqa ena Vukelulu, 9 ni Maji ena Valenibula Levu e Suva.

O Lomas e kilai levu ena vuravura ena dau vola itukutuku.

E lewe levu sara o ira na cakacaka e na tabana ni tukutuku (media industry) e Viti kei the Pasifika era sa vakaraitaka tiko mai na nodra lolosi ni sa takali o Lomas.

O koya e dua nai vakaraitaki vinaka vei ira na cakacaka e na tabana ni tukutuku baleta na nona dina, dau vosota, ka dau cakacaka vakaukauwa.

VULI KEI NA CAKACAKA

Ea tekivu vuli mai Nadi ena St Mary’s ena gunna a cakacaka tiko kina ena rara ni waqavuka na turaga nona i tubutubu mai Niu Siladi.

E lai tomana na nona vuli i NZ me yacova sara ni sa lai cakacaka e na vica na kabani ni niuseveva.

E sega ni kurabuitaki na nona gole i Viti me lai tekivu cakacaka ena Fiji Times ena tabana ni qito.

E kilai levu vei ira na dau qito ni Viti vakabibi ena rakavi. E dua vei ira na dara na siqeleti ni Viti o Ratu Ilaitia Tuisese e vakaraitaka na nodrau veikilai vinaka ka vakacaucautaka nai vakarau ni nona cakacaka o Lomas.

E rau mai cakacaka sara vakavoleka ena gauna a mai taura kina me board chairman ni Fiji Sun o Ratu Ilaitia.

E a kaya ni dau qoroya na nona veiqaravi o Lomas e na nona taura nai tutu vaka Publisher/CEO.

Ni oti mai the Fiji Times lai cakacaka sara ena Fiji Sun makawa ka tekivu mai na Mark Street e Suva voleka ena vale ni yaloyalo, na Century.

O koya a dua vei ira na tauyavutaka na niusiveva o ya ka edita ni tabana ni qito me yacova sara me sa edita ni veva.

Mai na Fiji Sun ea lai editor ni Islands Business.

Ni oti oya e a vinakati mai Cook Islands, Samoa kei the Solomon Islands me lai veituberi ka vakatorocaketaka nai vakatagedegede ni vola itukutuku kei na cicivaki ni bisinisi.

E na ceva ni Pasifika e vakaitavi ka tutaka na nodra vakavulici na dau vola itukutuku ka soli vei koya e dua nai cocovi.

E levu na veisau vinaka e vakayacora me vaka na nona vakabibitaka na vuli.

E vuqa era se cakacaka tikoga e na Fiji Sun ka so e sara gole tale kina dua na kabani.

E vakaukauwataka o koya na nodra lesi na marama kina i tutu ni veiliutaki.

Ena gauna sara oqo e levu na marama era sa taura tu nai tutu ni veiliutaki e na veitabana ena Fiji Sun.

Sa biuta toka mai o koya e dua nai sausau mera na vakamuria na cakacaka enaniusiveva.

E rua na luvena o Adi Losalini kei Talei.