Sasaga Nai Tabagone Ena Bisinisi Civa, Vaqarai Na Makete
Sa qai soli vei ira nai tabagone ena yabaki sa oti me ra sa cicivaka.
Sunday 24 March 2024 | 15:20
E vakaraitaka tiko oqori ko Iliesa Samusamuvodre na qa ni civa ni sa vakasavasavataki oti.
Era sa sasaga tiko nai tabagone mai na koro o Naocobau, Nakorotubu ena yasana o Ra me duri na nodra bisinisi civa, ka vaka talega kina ena kena vaqarai na makete.
Oqo na veika e vakaraitaka mai ko Iliesa Samusamuvodre nai liuliu ni komiti ni veivakatoroicaketaki e nakoro.
Ena gauna oqo e kaya o Iliesa era saga tiko me vakalaisenitaki na nodra bisinisi civa, me vaka nira raica ni dua nai yaubula vinaka e tiko ena nodra i qoliqoli ka na kauta mai e dua nai vurevure ni ilavo vinaka vei ira na lewe ni koro.
Related stories
E soli vuli tiko vei nai tabagone mai na koro Naocobau, Nakorotubu ena yasana o Ra e dua nai vakalesilesi mai na Tabana ni Qoliqoli ena kena cula na lawa ni civa.
E kaya ni sa cakacaka tiko vakaukauwa kei ratou na komiti ni koro ena kena sagai me vakalaisenitaki na bisinisi civa oqo ka vakaqarai e dua na makete vinaka me volitaki kina.
“E tawa vinaka tiko na neimami qoliqoli baleta ni levu na vanua ena baravi keimami vakatatabutaka tu. Keimami teivaka tale tiko ga vakalevu na dogo me maroroa nai yaubula, ka ra dau susuga na ika.”
Ko ira nai tabagone era solesolevakataka tale tiko ga na teivaka na yaqona.
Tomana ka kaya ni sa nodra ituvatuva tiko qo me duri na nodra bisinisi civa, me rawa ni vakatoroicaketaki kina na koro kei na bula raraba.
Vakatataro: salaseini.guniyaga@fijisun.com.fj
