Sasagataka na Bula Sautu Nai Tabagone
“Oqo e dua na vakanananu ni kena sagai me vakacokotaki e dua na itabagone me rawa ni rawati koya e na ilakolako ni bula ni vei vakatoroicaketaki kei na bula ni rawa ka,” e kaya ko Inoke.
Tuesday 23 January 2024 | 14:38
Ko ira nai talatala kei ira na itabagone mai na koro o Nalidi, Nakorotubu mai Ra, ena siga e sevutaki kina na yaqona ka’ra vakatatabutaka tu mai ena loma ni tolu na yabaki ni bera ni lai sevutaki ki na vanua kei na lotu ena siga Vakaraubuka sa oti.
E talei ni da sarava na nodra sa yadra, yalovata ka cavuikalawa mai o ira na luveda kei ira na itabagone ena kena sasagataki na bula sautu kei na tiko vinaka.
Eda raica tiko ena mona livaliva ena macawa oqo ena nodra tatamusuki ka’ra sevuta nai matai ni nodra vua ni qele sai koya na yaqona na itabagone mai na koro ko Nalidi, Nakorotubu ena yasana o Ra. Era sevu kina vanua ka vaka kina ena lotu ena siga Vakaraubuka ni macawa sa oti.
Oqo e dua na cavuisausau ni veisau e dodonu meda na vakadadamuria na vei yasana kece ena noda vanua. Na sasaga oqo ena rawa ni walia na bula dravudravua kei na vei leqa lelevu eso esa robota tu na noda Viti nikua.
Related stories
Oqo nai sevu talega ni gauna mai na yasana o Ra me vakayacori na vakatatabu ka sevuti kina na yaqona.
Na nodra isevu ni yaqona na itabagone mai na koro o Nalidi, Nakorotubu mai Ra, ena kena a sevutaki ki na vanua kei na lotu ena siga Vakaraubuka sa oti.
Oqo na kena sagai tiko ga na nodra vakatoroicaketaki na itabagone ka me ra kila tale ga na bula vakaituvatuva.
Na veika era sa mai rawata oqo e dolava e dua na rai vou vei ira, ka ra sa tuvatuva ka ena loma ni lima na yabaki mai qo me na cici e dua na Cooperative ni itabagone e loma ni koro ko Nalidi. Era sa duavata ena kena sasagataki nai naki oqo.IVAKASALA
E veivakasalataki tiko ko Inoke vei keda kece sara na kawa itaukei sai koya na kena vakayagataki vinaka na gauna, ka me bulataki wasoma na bula vakaituvatuva.
“Me da qarava vinaka na vanua vakauasivi na nona qaravi sara vakagumatua na Kalou levu ni na dolava o koya na veikatuba kece ga.”
Vakatataro: lusiana.tuimaisala@fijisun.com.fj
