Siga Ni Taukei Ni Vanua E Vuravura

Na i ka 9 ni siga ni vula ko Okosita 2023 e vakananumi tiko kina na Siga ni Taukei ni vanua e Vuravura (International Day of the World’s Indigenous Peo­ple) ka navuca na Matabose kei Vu­ravura mera vakananumi kina na iTaukei ni vanua taucoko ena noda vuravura.

Na Matanitu Cokovata e vakabibi­taka na dokai ni noda dodonu na lewenivanua taucoko e Viti, e doka tale ga na dodonu ni itaukei ni va­nua ena noda vanua.

Qo e dua na siga bibi ena noda va­nua, sa dodonu meda marautaka ka cibitaka na lewenivanua o Viti. Eda kalougata vakalevu ni a maroroya ka vakalawataka na keda qele na Matanitu Vakoloni, e raica tale me maroroi na noda ivakarau ni bula vakavanua.

Ia, ni sa yaco mai na tugalala ena 1970, sa vakilai vakalevu na bole­bole ena veika eda vakabibitaka na itaukei ia e sega ni vakalawataki tu, qo me vaka na noda itovo, na noda ivakarau, na noda ivosavosa kei na noda vuku kei na kilaka vakava­nua. E dina ni sa taqomaki rawa tiko na keda qele, ia e ka bibi mera maroroi ka taqomaki na veika e tu­wavoliti keda.

To read more, click on this link to access the full article and details: https://eedition.fijisun.com.fj/subscriptionplans

Feedback: lusiana.tuimaisala@fijisun.com.fj