Tawani Tale Na Vale Levu E Erenavula
E sa yabaki 39 na Ratu Viliame, ka ra dau lewena tu na mataivalu ni noda vanua. Era vakawati vei Temalesi Adi, ka dua na luvedrau tagane.
Tuesday 23 January 2024 | 14:45
Tui Sabeto Viliame Mataitoga is blessed by Reverend Epeli Cati (left), Reverend Ilimeleki Susu and Reverend Iliapi Tiwai. Photo: Waisea Nasokia
E sa mai tawani tale na Vale Levu e Erenavula ni oti na nodra mai vakatikori vaka Lotu ka vakagunuvi vakavanua ko Ratu Viliame Mataitoga me taura nai tutu vaka Momo Levu na Tui Sabeto ena siga Tusiti.
E sa yabaki 39 na Ratu Viliame, ka ra dau lewena tu na mataivalu ni noda vanua. Era vakawati vei Temalesi Adi, ka dua na luvedrau tagane.
E vakaraitaka na Tui Sabeto ni ra sa tu vakarau ka veivakabauti ni na veivuke vua na Kalou ena kena qaravi vinaka na vanua.
Related stories
Era mai taura nai tutu oqo na Ratu Viliame ni oti e dua na yabaki ni nodra a vakatatabu tu mai na Vanua o Betoraurau. Oqo ni oti na nodra mai bale na tuakadra ko Ratu Tevita Mataitoga, ka ra taura taumada tiko mai nai tutu vaka Tui Sabeto.
Tui Sabeto Ratu Viliame Mataitoga (from left) is escorted by village elders. Photo: Waisea Nasokia
Ea vakayacori na veivakatikori oqo na vale ni lotu Wesele ena Ulunivanua e Sabeto.
Ena nona vunau ko Talatala Iliapi Tuwai e vakabibitaka vei Ratu Viliame me vakadadamuria na vuli nei Tevita na Tui ena nona a liutaki ira na Isireli.
Era vakaraitaka talega na nodra veitokoni ena soqo lagilagi oqo eso na Momo mai na yasayasa vaka Ra, kei na so na lewenivanua ka’ra cakacaka tiko mai Nadi.
Ko Ratu Viliame era a vuli mai Sabeto District ka dewa kina Sabeto College, ni bera ni ra lai lewena na mataivalu ni noda vanua.
E vitu na yavusa ka vakarurugi ena Matanitu Vanua o Betoraurau era a vakarautaka na soqo oqo ena vica na macawa sa oti.
ENA QAI TOMANI TALE ENA MACAWA KA TU MAI
Vakatataro: waisean@fijisun.com.fj
