Yaco Nodra Gagadre Na Dau Volitaki Senikau Ena Makete Levu O Suva

E ra marautaka sara vaka­levu ko ira na dau volitaki senikau ena makete levu o Suva, ena kena sa mai vakavi­nakataki na vanua era dau voli­volitaki tiko kina.

Oqo ni oti na nona mai dolava ena siga Tusiti ni macawa oqo na Minisita ni Veivakavaletaki o Maciu Katamotu, ena vuku tiko ga ni nodra vukei na marama ena cici­vaki bisinisi senikau.

Ni dikevi vakamalua e levu sara vei ira na noda marama e ra rawata vakalevu mai na nodra i vurevure ni bula mai na volitaki senikau.

Vakaraitaka ko Kinisimere Baini­vesi mai Tavea, Lekutu, Bua, ni levu na dredre e ra dau sotava e liu baleta ni sega ni tuvaki vinaka tu na vanua era dau tiko kina.

“E na loma ni ciwa na yabaki au tiko voli e na makete ni volitaki senikau, au sotava vakalevu sara na dredre me vaka ni dau draki ca na vanua, ka vakabibi me dau tau vakawasoma na uca keimami dau vosota voli tu ga na volivolitaki. Eso na gauna keimami dau dabe voli tu ga e na kateni se vokete e na kena sagai me volitaki na senikau. E lewe levu keimami qarava taudua sara tikoga na neimami dui mata­vuvuale, ka oqo e dua nai vurevure ni bula vei keimami.”

To read more, click on this link to access the full article and details: https://eedition.fijisun.com.fj/subscriptionplans

Story By: salaseini.guniyaga@fijisun.com