Maji E Vakatokai Tiko Me Vula I Kelikeli

da sa yacova tale mai oqo na vula ko Maji, na ika­tou ni vula e na loma ni yabaki ka’ra dau vakatoka na noda qase me Vula i Kelikeli.

Na vula oqo e dau keli kina na uvi se isevu ni yabaki.

Na vanua e ka bibi vei keda na itaukei ka sema talega ni noda veiwekani mai na gauna makawa ki na gauna oqo, vaka kina vei ira na noda kawa mai muri.

Na vanua e vakabalebaletaki ena qele, ia e ra sema talega kina kau, manumanu, uciwai, ulunivanua kei na vanua ni qoliqoli.

E na vula oqo e ra vakadikeva na qase ni vula e dau tau kina na uca ka gauna talega ni cagilaba. E tau bi na uca me wai ni gasau ka gauna talega ni ra dau kumukumuni kina na dilio

Na vula o Maji e dau matua kina na ivi.

.E NA ITEITEI

• E dau keli tiko na uvi, vakabibi na uvi balavu;
• E dau tei kina na kumala ka vakabauti ni dau vakalewe vinaka kina;
• E dau tekivu se na gasau;
• E dau vakarau se talega na duruka;
• E dau matua na ivi,vutu kei na so na mataqali uto me vaka na balekana;
• E dau se ka vua kina na tokatoka kei na yaka.

E VEITIRI

• E dau daba na ‘mana’, matua na kuka kei na qari.

E WAITUI

• E dau drava na waitui;
• E dau uro na ika ka dau ca totolo talega.

Vakatataro: salaseini.guniyaga@fijisun.com.fj