‘SODELPA Ena Vueti Viti Mai Na Dredre E Sotava Tiko Nikua’

Mai na veivuke ni Kalou ena rawati kina na qaqa ka sa dodonu me veivuketaki na leqa e sotava tiko na matanitu ena gauna oqo.

Oqo na veika e vakaraitaka o Uraia Rasake na mata vakaturi ni soqoso­qo vakapolitiki na SODELPA.

O Rasake e cavutu mai ena koro o Galoa, mai Kadavu.

NONA CAKACAKA

E a cakacaka tu vakamatanitu ka tiko ena Minisitiri ni Cakacaka kei na Veimaliwai (Ministry of Labour & IN) ena 1986.

Ena yabaki 2004 e a kerea na nona vakacegu mai na matanitu ka laki curu ena tabana ni saravanua ka laki taura e dua na tutu vaka ma­nidia (HR Manager) ni bera ni toso cake me dairekita ni tabana ni vei­vakavulici (Director HR/Training).

E a laki cakacaka ena otela na Westin Resort & Spa ka dau kilai tu e liu na Regent of Fiji, ka taura nai tutu cecere na Executive As­sistance Manager (EAM or Resort Manager).

Mai kea a laki cakacaka ena War­wick Hotels ka laki taura na itutu ni Regional HR/Training ni bera ni laki cakacaka ena baqe ni veivaka­torocaketaki na Fiji Development Bank (FDB) ka tara na itutu ni veivakavuIici na General Manager HR/Training.

E laki cakacaka vaka lekaleka ena Intercontinental Hotel ka taura na itutu vakadairekita – Director HR/ Training.

Ni dola na Pullman Resort & Spa e a soli vua nai tutu vakadairekita Director Talent & Culture, me ya­cova na gauna e dewa mai kina na mate na COVID kina noda vanua.

E a tauyavutaka na kabani na DOTA’s Consultancy Services ka qarava vakatabakidua na nodra vulica nai tabagone na veiliutaki kei na nodra tauyavutaka na nodra bisinisi vata kei na kena veika tale eso ka lako vata kei na nodra vaka­torocaketaki me salavata kei na po­rokaramu sa tu rawa ena noda va­nua kei na Pasivika.

E a vakaitavi talega vakalekaleka ena nodra isoqosoqo na cakacaka ena otela (Hotel Workers Union) ka kena dau ni vakasala ena kena vala­taki na nodra dodonu.

VUVALE

Ko Rasake e vakavinavinakataka na Kalou kei iratou na nona mata­vuvale ena veivuke levu e vakaya­cori vua ena nona itosotoso ka dei tiko ni na nona ena veigigidigi oqo me rawa ni lewena kina na pali­medi.