Vakavakarau ko Lakeba

E sa vakavakarau tiko na vanua ko Tubou e na yanuyanu ko Lakeba mai Lau e na nodra na tavaki ira na vulagi e ra na gole tiko yani e na nona laki vakatikori na turaga na Tui Nayau, na Sau ni Vanua ko Lau, Tui Lau ko Ratu Tevita Uluilakeba Mara e na vula mai oqo.

Oqo na veika e vakaraitaka ko Waqavonovono Temo na turaga ni koro mai na koro ko Tubou, Lakeba mai Lau.Vakaraitaka ko Temo ni na laki vakagunuvi rawa mai Nayau me Tui Nayau e na ika walu ni siga ni vula ko Jiulai, e Tubou me laki Sau ni vanua o Lau, Tui Lau e na ika 10 ni siga.

Ena macawa rua sa oti e ra yaco yani kina na mataivalu e na kena laki vakavinakataki na veiicili eso me ra laki tiko kina na ivakalesilesi ni matanitu kei ira na vulagi

Tomana ena gauna oqo e ra sa maqusa sara tikoga na lewenikoro ko Tubou e na kena tomani tikoga na qaravi itavi e na kena namaki tiko na soqo lagilagi oqo.

Ratu Tevita Uluilakeba Mara.

E kaya e na loma ni macawa tikoga oqo e ra sa na gole mai kina na veiyanuyanu e na Yatu Lau me ra laki donumaka na kena vakayacori na veivakagunuvi e na vula mai oqo.

E ra na tiko talega e na soqo oqo na Tui Tonga kei na Ranadi Maori.

E kaya ni 569 kece tiko na lewenikoro e Tubou, 300 vakacaca na levu taucoko ni vale.

Vakatataro: salaseini.guniyaga@fijisun.com.fj