Veivuketaki na Bisinisi ni Marama
“E na rawa ga na cavu isausau kevaka eda cakacaka vata, kei na duavata e na cuqeni nai i tavi bibi oqo ka sa rawa kina nai vurevure ni lavo”.
Sunday 15 December 2024 | 10:52
Na Minisita ni Qoliqoli kei na Veikau, ko Alitia Bainivalu (ka tokara tiko na salusalu) kei na ira na lewe ni soqosoqo vakamarama mai Somosomo, Taveuni, ka ra tiko rawa ena kena a laki soli nai loloma mai na matanitu me veivuke ena kena cicivaki na bisinisi. Vei taba: Shratika Naidu
E veivuke na Minisita ni Qoliqoli ko Alitia Bainivalu kina soqosoqo vakamarama mai Somosomo, Taveuni ena nona solia vakailoloma e dua na waqa kei na kena idini me veivuke ena kena cicivaki na bisinisi ni susu civa.
E ra laki solia vakailoloma na Minisita ni Qoliqoli ko Alitia Bainivalu e dua na waqa kei na idini (fibreglass) ki vei iratou na soqosoqo vakamarama ka vakatokai na Nasomo Ra Marama mai Somosomo, Taveuni, e na siga Lotulevu ni macawa oqo.
Oqo me vukea na nodra veitosoyaki e na qoli e wai ko ira na marama e na kena sagai me tarai cake na bisinisi ni susu civa vei ira na marama e nakoro.
Related stories
Vakavinavinaka
E vakavinavinakataka na nodra lomasoli me ra laki solia na cau ni matanitu ka sa vakavotukana sara ka vakabibi e na kena qaravi na itavi bibi oqo ka na rawati ga na sautu ni vakadeitaki tiko e na yalovinaka, cakacakavata kei na duavata.
E vakavinavinataki iratou na soqosoqo ni Australian Centre for International Agricultural Research (ACIAR) e na nodra dodoliga e na vuku ni vakaikuritaki ka vakadinadinataki kina cakacaka ni liga ka sa maketetaki tiko vei ira na vulagi ni saravanua, ka vakatalega kina noda vanua.
Susu civa
Tomana ni vakavinavinakataki Claude Prevost e dua na dau cicivaki bisinisi ni susu Civa e Taveuni e na nona vakarautaka tiko mai e vica na qa ni civ aka dau vukici ka vakayagstaki me ivoli ka sa rawa tiko kina na ilavo.
E vakaraitaka ni nodra sasaga ni qa ni civa e sa dolava tale e dua na katuba e na kena vakaikuritaki na cakacaka ni liga.
Tomana ni dua talega na porokaramu e vakatokai tiko me melamela ka oqo e isevu tiko vei iratou na soqosoqo vakamarama ka vakavinavinakataka na nodra cuqena ka dinata na nodra sasaga.
Na veika e rawa mai na qa ni civa, ka ra sa tuvani tu me ra volitaki.
Veivakadreti
Kuria na nona vakavinavinaka ki vei ira na veitokani e na vuku ni nodra veitokonitaka na soqosoqo vakamarama e Somosomo ka’ra sa vakanuinui tu ni na levu tiko na veigauna vinaka kei Somosomo ka rawa me na sarava talega ko Viti kei vuravura na vua ni sasaga yaga.
Feedback: salaseini.guniyaga@fijisun.com.fj
