Na Kana Ibure

Ni qara ga mai na bete e na tarogi koya sara se o cei na yacana. Ni sa cavuta oti na yacana na gone e sa na qai tarogi tale mai na yacana vou.

Ni sa tukuni yani e ra na qai vakavinavinakataka main a tiko e lomanivale, ra vucu toka.

Ni ra sa vakayacani vou taucoko e ra sa qai laga tale e dua na vucu toka.

Ni ra sa vakayacani vou taucoko e ra sa qai laga tale e dua na vucu me vakaraitaka ni sa oti taucoko.

E da raica ena ivakamacala qo nei Brewter ni sega wale ga ni ra cili na gone, e ra vakayacani vou tale ni ra sa cili oti.

Ia mai Noemalu e vola tale tokaga o Brewter ni ra cili na gone e na burelevu ni yavusa, me vakataki ira ga mai Noikoro, ra vakaraitaka kina ni ra tagine ena nodra vosota.

E ra vakatovolei tale e na gauna ni vakabogiva ni ra s alai sili me ra vakasavasavataki ira.

E dau kacivaki rawa e liu na vanua e ran a lai sili kina na yavou, o ira na gone sa cili oti.

Ni ra sa kila na vo ni veiyavusa e ra sa qai dau osota yani, ra kauta yani nodra moto, iula, ra tomi vatu yani kei na ka ga e rawa ni viritaki.

Ia e na siga lokuci me ra sa qai lai sili kina na gone, e ra sa qai sulumasi, ra veikau yani na qase kina uciwai.

O ira na qase qo e ra vakaiyaragi tale tuga.

Ni ra sa yacova yani na vanua ni sili e ra sa qai luvaluva na gone vei ira na nodra qase, ra siro yani ra lai toni sara tu vakabalavu, ni bogiva na nodra sega tu ni sili.

E tukuna toka na turaga italai qo ni gauna e ra sa sili oti kina, e dua vata ga na gauna e ra cabe ra dui sasaga kina me ra dro kina nodra dui vale.

Ni ra sa raica nag ole mai e na soqo oya ni ra sa dui se na gone e ran a qai cemuri ira, ra virilaki ira e n aka va e ra taura rawa.

E ra dau vakacaucautaki na gone daucici, dau leve vinaka talega e na soqo qo. Ia e rad au kalouca nab era ni ra mavoa, so na gauna e vakaleqai ira sara vakatotolo.

Ni sad au yaco na veicemuri kei na veiula, e qai dau nodra cakacaka na qase ra veikau mai me ra qai taqomaki ira na gone.

Qo me ra tarovi ira na veicemuri, ra veivala talega vakalasulasu kei ira.

E qai oti sara na qito oqori ni ra sa curu kece na gone e na nodra veivale, ra qai kacivi vata kece mai, ra mai kana vata e na kakana ra sa vakarautaka oti tu na tinadra na yavou, o ira na gone ra sa cili oti mai oya.

E tukuni toka ni gauna ni kanavata va qori e so sa vuvuce ra dradra tale tuga, ia e sega ni ra kauta sara e loma me ra veivale kina.

E na gauna oqo e da dau raica ni sa bogiva oti nodra tikoibure na gone, e ra se vakarokorokotaka ga, sega na veiciciyaki se qito.

Ia mai Noikoro me vaka na kena ivakamacala e da se qai rogoca oti, e sa dua na ogaoga levu e ra sotava na gone e na siga ni vakabogi.